شنت الكاتبة والروائية ياسمين الخطيب، هجوما علي الإعلامية ياسمين عز بسبب تصريحاتها المثيرة للجدل في الدفاع عن الرجل المصري.
وخلاص تصريحات لها قالت ياسمين الخطيب: «شيء مؤسف جداً، ومثير للغثيان، أن تتحدث إعلامية على قناة مرموقة، عن حسن معاملة الزوج، فتقصرها على: سيبيه يدوس على السجادة، وشيلي انتي كيس الزبالة، واديله ورك الفرخة! حاجة بلدي ومقرفة جداً».
ووجَّهت رسالة إلى ياسمين عز: «يعني يا ست لو عايزه تنحازي للرجالة عشان الترند -إللي مش هايدوم- اتكلمي عن مشاكل الرجال الحقيقية.. عن مصاريف الزواج المبالغ فيها، والطلبات إللي بتقسم ظهر الشباب، من مهر وشبكة وخلافه.. عن مشكلة الرؤية للرجال المطلقين، إللي مش بيشوفوا عيالهم أكتر من ساعة أسبوعياً في أقسام الشرطة.. اتكلمي عن المشاركة.. عن المودة والرحمة».
تابعت: «ولو مُصرة يعني تعملي خبيرة في العلاقات الاجتماعية، وتنصحي الزوجات، انصحيهم يتفهموا الظروف.. يخفضوا النفقات.. مش يكمروا لرجالتهم نص الفرخة.. إيه الـ يع ده!
