حل المطرب هيثم شاكر، ضيفا ببرنامج أنغام، والمذاع عبر قناة دي ام سي، وتقدمه الفنانة أنغام.
ويسرد موقع الحكاية، أبرز، تصريحات المطرب هيثم شاكر، وهي كالتالي:
– حبيت الموسيقى من غير ما أعرف.
– وأنا صغير كنت مغترب ومش في مصر، وكان دايمًا فيه القناة الأولى شغالة دي كانت بتحسسنا إننا مش في غربة.
– وقت العصرية بيبقى فيه أفلام فيها أغاني، وكنت طول الوقت بلاقي نفسي مركز مع الأغاني وبغني معاها.
– مكنتش مدرك إن صوتي حلو وأنا صغير.
– كنت مقيم فى السعودية، وفى حصص الدين كنت أرتل القرآن، وأقول نشيد الصباح بالمدرسة.
– واحدة واحدة اكتشفت إن فيه حاجة وليّ ميول للموسيقى.
– الفنان محمد فوزي يعتبر فنان متكامل.
– هو أول واحد عمل كل حاجه هو أول حد غنى لرمضان والام.
– أنا بحبه جدا لأنه كان عبقري وسابق عصره في كل حاجة.
– محمد فوزي أول شخص كسر الجمود عن أن المطرب اللي بيغني رومانسي بيبقى واقف وثابت.
– هو اول حد عمل استعراض وكان بيتحرك وكان صوته في بهجة.
– أكتر الأغاني اللي بحبها لمحمد فوزي هي أغنية أغنية ليا عشم.
– معظم ألحان محمد فوزي هتلاقي فيها تفاصيل كتير هو بيحب يعمل شرقي وعربي.
– محمد فوزي دا العشق وحبيب قلبي.
– محمد فوزي كان فنان شامل وسابق عصره واوانه.
-رجعت برفقة أسرتى من السعودية، ونزلت مصر أكمل تعليمى.
– وفى مرة واحد صاحبى قال لى فى شركة إنتاج فتحت جنب البيت، وعرض عليا أروح وكلمتهم فى التليفون.
– سمعوا صوتى وكنت سعيد إن أول غنوة ليا من توزيع حميد الشاعرى وألحان محمد رحيم وكلمات والدته.
– مرة مدير الاستوديو قال لى أنغام برة وعايزة تسلم عليك، وفاكر كلامك لحد دلوقتى” صوتك حلو وأنا بحب أغنيتك جدا”.
-حاولت أعلم نفسى المزيكا لكن فشلت عشان مكانش عندي وقت واحترفت مبكرا جدا.
