تكريم العديد من الفنانين في مهرجان الدير جيست.. أبرزهم مصطفى كامل وإسعاد يونس وعمرو سعد (صور)

كرمت إدارة مؤسسة دير جيست، كلًا من الفنانة إلهام شاهين، وأحمد عبد العزيز، عمرو يوسف، حمادة هلال، هالة صدقي، خالد سرحان، نقيب الموسيقيين مصطفى كامل، عمرو سعد، منى زكي، أحمد حلمي، إسعاد يونس، الإعلامية لميس الحديد، ريهام عبد الغفور، وحنان مطاوع.

عمرو سعد خلال تكريمه في مهرجان الدير جست

أعرب الفنان عمرو سعد، عن سعادته الكبيرة بتكريمه في حفل توزيع جوائز دير جيست، عن مسلسله توبة، الذي عُرض خلال الموسم الرمضاني 2022، وحقق نجاح كبير وقت عرضه.

وقال عمرو سعد، أثناء تسلمه الجائزة: مش عارفة أشكر مين ولا مين، وبهدي الجائزة دي ليا، أنا مبسوط جدًا وبشكر دير جيست، وأنا سعادتي أكبر من الجائزة لأني بنتمي ليكم ولأننا بننتمي لـ تاريخ كبير أوي، مصر حلوة أوي يا جماعة، ومصر كبيرة بفنانيها عادل إمام ومحمود عبد العزيز ونور الشريف وأحمد زكي، ومطربينها، وفيه بلاد ممكن تدفع 100 مليار دولار علشان أم كلثوم، وفيه بلاد ممكن تتبني على نجم مصري واحد.

ريهام عبدالغفور تهدي جائزتها من الدير جيست لوالدها

أعربت الفنانة ريهام عبد الغفور، عن سعادته الكبيرة بتكريمها في حفل توزيع جوائز دير جسيت، كما أهدت الجائزة لوالدها الفنان القدير أشرف عبد الغفور.

وقالت ريهام عبد الغفور، أثناء تسلمها الجائزة: أنا بشكر دير جيست على الجائزة، وبهدي الجائزة لـ أبويا اللي هو سبب أساسي في حبي واحترامي للمهنة اللي أنا فخورة إني بنتمي ليها.

إسعاد يونس تشيد بصناعة الإعلام في مصر والوطن العربي

تحدثت الفنانة إسعاد يونس عن برنامجها صاحبة السعادة وعن صناعة الإعلام في مصر والوطن العربي خلال تكريمها في حفل دير جيست لهذا العالم 2022.

وقالت الفنانة إسعاد يونس خلال تكريمها في حفل دير جيست 2022: شكرا لـ دير جيست وعايزة أقولكوا أوعوا تحسوا انكوا في تنمر عليكوا طول الوقت إنتوا أشطر صناعة في البلد وانتوا اللي عاملين النهضة الثقافية والفنية في البلاد اللي حوالينا كلها وأنتوا الصناعة اليي بتتصدر مية في المية وكل همسة بتقولوها بتسافر وبتمثل مصر فأرجوكوا أوعو تحسوا بأي ضعف لأنكوا ثروة لا تقدر بتمن.

مصطفى كامل يلقي كلمته في حفل دير جيست

تحدث الفنان مصطفى كامل نقيب المهن الموسيقية، أثناء تكريمه في حفل دير جيست لهذا العام 2022 عن أزمة مغنيي المهرجانات والألفاظ الخارجة التي تحتوي عليها أغانيهم وعن دوره في التصدي لها.

وقال الفنان مصطفى كامل: التكريم ده شرف كبير ليا للدور اللي قومنا بيه في احتواء الشباب اللي كانوا مرفوضين من المجتمع كله بسبب تدني الكلمة اللي كانوا بيغنوها، الشباب دول زيهم زي أي شباب بيحضر ولكن ضل الطريق وكان من وجهة نظري إن إحنا نقف معاهم ونفهمهم يعني إيه مصر ويعني إيه الفن المصري، إبدع زي ما تبدع لكن متدخلش أي بيت مصري كلمة خارجة.