قال الفنان مسلم، مطرب المهرجانات، :إنه في بدايتي اشتغلت في مطعم كنت بقطع عيش وواحدة واحدة اترقيت وبقيت كاشير، وبعد كدا قولت ليه مفتحش حاجة لنفسي فروحت فاتح صالة بلايستيشن”.
وأضاف “مسلم”، خلال تصريحات تليفزيونية له، قائلا:” أنا من زمان كان والدي مطرب وكنت بدرس في الأوبرا في مسرح سيد درويش وأخدت الأول على الجمهورية من أستاذ هاني شنودة.. أنا معتز جدا بحتة الدين ودايما عارف أني مليش غيره في الأخر بس أنا من جوا نفسي بحب موهبتي وبحس أن ربنا مديهالي عشان استخدمها في الخير”.
وتابع:” بردوا قعدت 3 سنين مؤذن قبل الشهرة وأنا عندي 15 سنة، كان فيه جامع تحت البيت كنت كل صلاة أنزل أذن وكنت ممكن أقعد من الفجر لغاية الساعة 7 الصبح بصلي في الجامع وبعدها بدأت أخد خطوة في الغناء”.
