وجهت ياسمين عز، عدد من النصائح لـ جورجينا، صديقة كريستيانو رونالدو، قائلة: يا جورجينا إنتي غلطتي غلطات كارثية وإحنا بنحاول مع رونالدو عشان يتجوزك وإنتي مفيش فايدة وقلنا مليون مرة لازم تقفي انتباه لـ جوزك ومينفعش تدي له ضهرك، وتجري على العربية الجديدة كإنك عمرك مشفتي عربيات مع إنه مركبك عربيات فضائية، تاني كارثة كان فيه بنت واقفة ورا وكان ممكن تخطفه منك وتصبه نظرة إعجاب.
وأضافت “عز”، خلال تقديمها لبرنامج “كلام الناس”، والمذاع عبر قناة ام بي سي مصر، قائلة:” كفاية عروض أزياء وخلي بالك من بناتك ليه ملبساهم واسع كدا ومش مهتمة بمظرهم ولا شعرهم؟ مش بتغيري من أنتونيلا زوجة ميسي؟ ومش هقولك ارقصي لجوزك بس خليكي ست بيت عشان يتجوزك دا أنا الأطفال صعبانين عليا، مع إن كريستيانو خلاكي مليونيرة بعد ما كنتي بياعة شنط، بس استخدمتي الصوت والنظرة الشتوية ووقعتيه”.
وتابعت:” أنا زعلانة على الفرعون المصري، ليه مش بنجيب له هدايا زي جورجينا؟ أرجوكي اهتمي بيه وجيبي له هدايا بدون مناسبة لأن بتوع برا مش أحسن مننا”.
