استنكرت الإعلامية ياسمين، هجوم وانتقاد بعض رواد السوشيال ميديا، على الفتاة التي قامت بتوزيع زجاجات مياه أمام أحد المساجد، وكتبت على هذه الزجاجات، ” أدعوا ليا اتجوز نادر”.
وتابعت “ياسمين عز”، خلال تقديمها برنامجها “كلام الناس”، المذاع عبر قناة “mbcمصر”، :” طيب تجيبوا سيرتى ليه في الموضوع.. طيب أنا هطلع وأرد.. طيب ليه كل ما وحدة تعمل حاجة مع راجل تطلعوا تهاجموها وتقولوا ألحقى يا ياسمين يا عز”.
وأكملت ياسمين:” أنا مش عاوز أجمع بس قارنوا بين تعليقات الرجالة وتعليقات البنات، تعليقات الفراعنة، الفرعون بكل اختلافتهم بيدعوا للبنت ، ولكن بعض الستات والبنات خد عندك تعليقات زى طيب يا ريت بعد ما تتجوزيه متقفيش قدام الجامع وتطلبى من الناس أن ربنا يخلصك منه”.
واردفت ياسمين عز:” أزى عندنا القدرة أننا نكره الناس في نفسهم بالشكل ده.. طيب انتم عارفين البنات اللى بيكسروا مجاديف البنت هما نفس البنات اللي اتريقوا ع البنت اللي نزلت توزع أزايز عشان تتجوز نادر .. هما اللي بينزلوا بالإسدال يصلوا التراويح في رمضان ويدعوا ربنا إنهم يتجوزوا..بتعملى كدا فمتنكريش وتعملى نفسك البنت الجامدة على السوشيال ميديا وتكرهى البنت في نادر.. على الأقل البنت دى بوش واحد “.
