علقت الفنانة نهى العمروسي على تحريم بعض الفنانين والفنانات للفن بعد اعتزالهم، أورفض التلامس والقبلات في السياق الدرامي.
وقالت نهى العمروسي خلال لقائها مع الإعلامية أميرة بدر ببرنامجها “Vip” المذاع على شاشة “هي”:بشوف الناس دي مش محترفين، ميفنعش أدخل على أبويا وأنا راجعة من السفر مايحضنيش اللي بيمثل دوري أبويا، ماينفعش أكون قاعدة في البيت بالأشرب، المحجابين مبيقعدوش في البيت بالأشرب، مينفعش واحده بتعمل دور أختي في مشهد محضنهاش مينفعش احنا بنمثل.
واستكملت نهى العمروسي: مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، انما ممنوع اللمس طب أنتي بتمثلي ليه؟.
وتابعت نهى العمروسي: يوسف الشريف بيرفض التلامس، هو حر وأنا لازم أحترمه بس أنا حره أني أقول لا أنه مش محترف وده مش فن، مينفعش انت تحطلي شروط وأنت شايف ان ده حرام متلعبهاش خالص لكن انت راضي انك تشتغل الشغلانه دي تشتغلها بمصداقيه أو تشوف شغلانه تانية.
