علق محمود عبدالرازق شيكابالا لاعب نادي الزمالك، علي مبادرة فتح صفحة جديدة مع جماهير النادي الأهلي.
وقال شيكابالا عبر برنامج ” الحكاية ” علي شاشة ” ام بي سي مصر: ” مش أنا اللي هفتح الصفحة الجديدة مع جماهير، لو المسؤولين عن الكرة في مصر اخذوا موقف علي التجاوزات التي تحدث لي منذ 20 عام، لما وصلت الأمور لهذه الاحداث
وتابع، ” انا فقط من يتم عقابي، تحمل كلب اسود يتم عقابي، بعض الناس بتروح المقابر وقالوا عليا ميت انا اللي اتوقف، موضحاً أن تلك الوقائع كلها لم يتم اتخاذ أي إجراء ضدهم.
وأضاف: ” بعد مذبحة بورسعيد واستشهداء الجماهير، كنت أول لاعب روحت النادي الأهلي ومكنتش كابتن الفريق ، وقلت للاعيبة في الزمالك مش هنلعب لما عرفت أن فيه تجاوزات حصلت ضد جماهير الأهلي.
وتابع: “كل المدربين الأجانب بتوع النادي الأهلي بيتكلموا عني كويس لأنهم بيتعاملوا مع الإنسان قبل الكرة، والمشكلة مش عندي، المشكلة مع المسئولين اللي سمحوا بالتجاوزات ضدي ومخدوش موقف، هاتلي حقي لو لمرة واحدة.
