كشفت الكومبارس برنسة عبد الغني عن عملها لفترة كمساعدة ملابس للفنانين قائلة:’ اشتغلت مع ميمي جمال، مع الله يرحمها احلام الجريتلي، مع نوال سمير، والفنانة عبير الدميري بس مش دايما بيبقي في شغل.
وتحدثت عن سبب عدم عملها خلال حوارها مع الإعلامية انجي هشام في برنامج المنسي عبر قناة هي:’ الدنيا اتغيرت والوسط اتغير بقت شللية وعزايم وجمايل وسهرات مين ليه في الحاجات دي؟ اللي ليه مبيشتغلش واللي ملوش بيقعد أنا بقالي سنه مشتغلتش “.
تابعت :’ في أفلام شغالة في السوق محدش طلبني وبتصل بالمكاتب بيقولولي أن شاء الله يا حجه وفي ريجسير بصعب عليه وريجسير مبيشغلنيش.
يذكر، أن برنامج ” المنسي” هو برنامج على قناة ” هي” تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.
برنسة عبد الغني
تابعت :’ رضا عاشور وعبد المنعم معتوق وناصر الشرقاوي اكتر تلاتة بيشغلوني، والحمدلله ملجأتش لحد ومشغلنيش لكن بيتقالي مفيش حاجه تنفع لسنك فانا بقولهم سالوني قعدوني على هسار أو على فاكهه في كذا حاجه في الحارة.
وتابعت خلال حوارها مع الإعلامية انجي هشام في برنامج المنسي عبر قناة هي:’ كنت عايزة قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.
وتحدثت عن ذكرياتهها مع الفنانة عبلة كامل في فيلم خالتي فرنسا قائلة :’, فيلم خالتي فرنسا أقرب فيلم لقلبي من اللي شاركت فيهم ونفسي اتواصل مع عبلة كامل واكلمها ست الله يباركلها في بناتها ست جميلة اوي.
