علق الفنان والسيناريست عمرو محمود ياسين، على تصريح اتهامات من قبل الفنانة التي تلعب أدوار الكومبارس برنسة عبد الغني له بسرقة ملخص حياتها التي كانت تنوي تحويل لعمل فني لذا عرضته عليه لتحويله لسيناريو.
وكتب عمرو محمود ياسين عبر حسابه الشخصي بموقع التواصل الاجتماعي فيس بوك:’النهاردة لاقيت الخبر ده: برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه، يا أستاذه برنسة تحياتي ليكي اولا، ثانياً حضرتك كنتي قابلتيني واحنا بنصور مسلسل و نحب تاني ليه على ما أتذكر و لاقيتك من تلقاء نفسك جايبالي ملخص وقولتي لي اقراه عشان عايزة اني أعمله مسلسل وقتها كنا لسه بنصور و ما قدرتش اقراه وقتها’.
وتابع عمرو: ‘وقريته بعد كده لما اتصلتي بيا فكرتيني به بعد فترة طويلة وقتها أنا قريته و للأسف مالقتش فكرة مناسبة له وحضرتك ماكلمتينيش تاني و أنا ماتصلتش برضه وده تقصير مني بعتذر عنه، لكن مش عارف جبتي منين حكاية أني أنا ضيعته ؟؟ مش عارف جبتي الفكره دي منين ؟ الملخص بتاعك في الحفظ و الصون زي ما هو و تقدري تاخديه وقت ماتحبي وربنا يكرمك’.
عمرو محمود ياسين
كشفت الفنانة برنسة عبد الغني حبها للنجم ياسر جلال قائلة:’ بحب ياسر جلال فنيا وإنسانيا لأنه بيساعدني ومسلسله السنادي كان جميل أوي.
وتابعت خلال حوارها مع الإعلامية انجي هشام في برنامج المنسي عبر قناة هي:’ كنت عايزة قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.
وتحدثت عن ذكرياتهها مع الفنانة عبلة كامل في فيلم خالتي فرنسا قائلة :’, فيلم خالتي فرنسا أقرب فيلم لقلبي من اللي شاركت فيهم ونفسي اتواصل مع عبلة كامل واكلمها ست الله يباركلها في بناتها ست جميلة اوي.
يذكر، أن برنامج ” المنسي” هو برنامج على قناة ” هي” تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.
