البلوجر خالد جواد قدم تحذير لمتابعيه من الحزن وذلك عبر حسابه الشخصي على موقع تبادل الصور والفيديوهات إنستجرام.
وقد كتب البلوجر خالد جواد عبر حسابه الخاص أنه تعرض لمشكلة قبل 10 أيام، وأنه شعر بالزعل والضيق ونام وهو متضايق،قائلًا:”من ۱۰ ايام حصل مشكلة كده و زعلت جداً و اتضايقت و نمت و آنا حقیقی تعبان من الزعل .. من فضل ربنا اني صحيت تانى يوم الصبح الحمد لله .. بس صحيت نص وشی واقف تماماً ( الجانب الأيسر ) بما فيهم العين … وده اتسبب في ان عينى مبتقفلش الجفن ولا بتفتحه و ده بسبب تعطيل كلى في العصب الحسي و التهاب حاد فى عصب المخ المسؤال عن تحريك اعصاب الوجه “.
وأضاف:”عشان كده دكاترة المخ و الأعصاب ودكاترة الرمد نصحوني اني اغطی عينى عشان القرانية بتضعف و ده هيدخلنا في مشاكل تانية، انا الحمد لله كويس جداً، و ده ابتلاء من الله سبحانه وتعالى عشان يفوقنی و یقولى ركز فى امتحانك شوية، ابتلاء و بياخد وقته مع العلاج و التمارين و الحمد لله انا راضى جداً من اللى حصل كدرس اتعلم منه عدم الزعل”.
وتابع:”بفكركم و بفكر نفسى ان كل واحد ليه امتحان في الدنيا، ركز في امتحانك و افرح لنجاحاتك وخطط للحظات وقوعك واتعلم منها و عدی بيها ملكش دعوة بإمتحان غيرك، متزعلش منحد ولا على حد ولا حتى تزعل من او على نفسك، اتبسط واحمد ربنا و اشتغل و اعمل خیر و بر والديك ما استطعت واسعى في الدنيابالخير حد، تانی ملکش دعوة بإمتحان غيرك، متخافش على حد”.
واستطرد:”متشلش هم اسعى فى الخير ما استطعت، اكنك بالظبط عربيتك واقفة في الصحرا واحد صاحب كلمك قالك الحقنى انا عربيتي عطلانة تعلالي، فتسیب شغلك و همك و مشاكلك عشان تروح تمتحن امتحان غيرك، ركز في امتحانك وسيب الناس تركز فى امتحانها الدنيوي”.
واختتم حديثه قائلًا:”مش بقولك تبقى انانی و منحط لا بالعكس اسعى بالخير، بس متبقاش انتبايظ و تروح تصلح غيرك وتنصحه و تسأل عمل ايه و تنسى نفسك اللى ليها حق عليك و من اهم قواعد الرضا و عدم الإكتئاب هو انك تسامح وتسامح من قلبك لأن الزعل يعطى الشعور بالقلق أو التململ أو العصبية، البطء في التفكير أو التحدث أو تعطل حركات الجسم .. الشعور بانعدام القيمة الذاتية أو الذنب أو تركيز التفكير على الإخفاقات السابقة أو إلقاء اللوم على النفس الأشياء خارجة عن إرادتك .. وجود صعوبة في التفكير والتركيز واتخاذ القرارات وتذكر الأشياء”.
