كشف صانع المحتوى شريف عثمان الشهير بـ شيكو، تفاصيل بدايته في عالم السوشيال ميديا، موضحًا أنه يعمل مهندس اتصالات ولكنه يمتلك موهبة التمثيل منذ الصغر.
وقال شيكو، خلال لقائه في برنامج “من غير نفسنة” الذي تقدمه الفنانة انتصار وبدرية طلبة ونوليا، عبر شاشة قناة “هي”: أنا أساسًا مهندس اتصالات ولكن بحب التمثيل وده هوايا، وكنت بمثل في المدرسة ومسرح الجامعة، وعندنا في الشغل كانوا بيجبوا زي لجنة ثقافية، وبعدين قولت أجرب السوشيال ميديا.
وتابع: في أول الموضوع كنت بواجه انتقادات في العائلة وزملائي لأني مهندس، وأول فيديو ليا فضل تريند في مصر شهرين، وزملائي في الشغل استغربوا لأني مش شبه الفيديوهات ووكور إلى حد ما، وكانوا بيقولوا عليا رخم.
وأضاف: السوشيال ميديا محتاجة تفرغ، والناس خدت عليا إنهم مش عايزين أفكار عادية، ولكن مسبتش الهندسة، وبدأت أكسب من الفيسبوك.
واستكمل: الناس اللي بتعمل فيديوهات تحديات أكل وواخدة الموضوع في سكة تانية ده الجانب المظلم، مش عارف ليه بنستغل الحاجة بطريقة مش بتاعتها.
“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
