أكد الرئيس عبدالفتاح السيسي، اليوم الثلاثاء، على ضرورة التعامل بشفافية عند توضيح أرقام الإنفاق على التعليم، مشيرا إلى أن حجم الإنفاق الحالي لا يكفي لتغطية عدد الطلاب المتعلمين.
الرئيس السيسي
جاء ذلك خلال جلسة بناء الإنسان ضمن فعاليات يوم الاحتفال بتفوق جامعات مصر، حيث قال الرئيس السيسى: “عاوز أقول إيه.. ممكن الأرقام اللى بيقولها وزير التعليم إن فيه انفاق وتطوير في الانفاق.. لكن دايما بنتعامل بشفافية وصراحة.. هو حجم الإنفاق ده يكافئ العدد اللى بيتم تعليمه؟.. لا.. بقوله ليه؟ واحنا مسؤولين كلنا مش انا وحدى ولا رئيس الحكومة ولا الوزير كلنا مسؤولين”.
وأضاف الرئيس السيسى، “لازم نقول الكلام للناس ونسمعه بكل وضوح.. مش الفكرة إني بعمل مدرسة أو فصل.. لكن كمان هقدر أعمل تشغيل مناسب يطلع منتج تعليمي جيد في المرحلة المهمة دي في مرحلة التعليم الأساسي.. بناء حقيق للشخصية ونصيغها للشخصية الناجحة والداعمة لوطنها في فترة التعليم الأساسي”.
وتابع الرئيس السيسى: “هو احنا مش عاوزين نقول كلام إيجابي فقط او مشجع فقط.. لكن عاوزين نطرح القضية والمشكلة ونقول يا جماعة احنا بحجم النمو السكاني بنقبل تحدي ملناش قبل بيه.. إن أزيد بالرقم ده وابقا محتاج في قطاعات التوظيف والتعليم والناس تقول دخلنا واتخرجنا من الجامعة ومش لاقيين شغل والشغل المتاح مش جاهزينله.. لو سمحت قول الرقم المطلوب حقيقة للتعليم بالنسبة لعدد الطلبة طيب ده كلام بتقوله للناس.. دي بلدنا كلنا لازم تعرفوا يا اهل مصر حكايتنا والكلام اللى بقوله بيبقا ليه تأثير على مجتمعنا وشكل الدولة المصرية وتقدمها”.
وكان الرئيس عبد الفتاح السيسى اليوم الثلاثاء، شدد على أهمية اهتمام الجامعات بالطلاب في كافة المجالات، وذلك خلال اجتماعه بأعضاء المجلس الأعلى للجامعات، ضمن فعاليات يوم الاحتفال بتفوق جامعات مصر.
وأوصى الرئيس السيسى رؤساء الجامعات بحسن معاملة الطلاب، والاهتمام بهم من النواحي التعليمية والبحثية والاجتماعية والثقافية.
وجاء ذلك في إطار حرص الرئيس السيسى على توفير أفضل سبل الراحة للطلاب، وضمان حصولهم على تعليم جيد، وإعدادهم لمستقبل أفضل.
وفي وقت سابق، استقبل الرئيس عبد الفتاح السيسى، اليوم، وفداً صينياً رفيع المستوى، برئاسة “لي شي”، عضو اللجنة الدائمة للمكتب السياسي باللجنة المركزية للحزب الشيوعي الصيني، وذلك بحضور المستشار عبد الوهاب عبد الرازق رئيس مجلس الشيوخ، وسفير الصين بالقاهرة.
