علق الملحن والموزع إسلام رفعت على اتهامات المنتج محمد شفيق باقتباس الأول مذهب أغنية “كذابة”، من أغنية قدمها مؤخرا مطرب صاعد يدعى محمود عز من إنتاج محمد شفيق.
ونشر إسلام رفعت فيديوهات على صفحته الشخصية على فيس بوك يثبت بها أنه هو صاحب اللحن الأصلي لأغنية “كدابة” التي قدمها حسام حبيب مؤخرًا.
ونشر بوست على حسابه بفيس بوك وكتب:”انا مكنتش هرد .. بس مضطر ارد لان اللي بيحصل دة قلة ادب و تطاول، لسه جايلي تليفون دلوقت من صديق ليا بيقول اني في حد كاتب بوست اني واخد لحن اغنية حسام حبيب من اغنية لمغني انا اعرفه معرفة شخصية و اشتغلت معاه بالفعل و علاقتي بيه أنه مغني، وأنا ملحن وموزع يعني واضح مين اللي بيسمع من التاني”.
وأضاف: أولا مستحيل مستحيل مستحيل انا اللي بقول انه يكون توارد افكار او خواطر او نغمات، أنا مسروق بالمللي وبالهارموني حتى، هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه .. بس انا هخليها تصيب معاه انه يتشهر بأنه غير امين و معندوش ضمير نهائي”.
وأكمل: الموزع شفيق كاتب ان اغنيتهم نازلة يوم ١٨/١، وحسام حبيب منزل خبر اغنية #كدابة من يوم ٨/١ تقريبا ف اللي هو ازاي يعني!!! وأي حد يقدر يعمل سيرش علي جوجل ويتأكد من صحة كلامي.
واختتم : “آخر حاجه عايز اقولها اني معايا كل ما يثبت ان اللحن بتاعي من مستندات واني هتخذ كل الإجراءات القانونية مع أي حد جاب سيرتي او اتكلم عليا بشكل مسئ و حاول ينط و عايز يتشهر”.
أغنية كذابة
بعد 3 أيام من من الجدل الكبير والتساؤولات، حسم الفنان حسام حبيب حيرة جمهوره حول حقيقة طرحه أغنية جديدة تحمل عنوان “كدابة” خلال الفترة القادمة.
ونشر حسام حبيب على حساباته في على السوشيال ميديا برومو أغنية “كدابة”، كما نشرت البرومو الصفحات الرسمية الخاصة بشركة روتانا، ليتأكد خبر طرح الأغنية قريبًا
وكتب حسام حبيب معلقا على برومو أغنية “كدابة”: “قريبا على أنغامي وسبوتيفاي أرابيا ويوتيوب، كدابة كلمات عمرو المصري، ألحان إسلام رفعت، وتوزيع موسيقي أمين نبيل”. ”
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
“كدابة”.. ألبوم حسام حبيب الجديد يثير الجدل
