حلت الفنانة ياسمين رئيس، كضيفة في برنامج” على المسرح” والذي تقدمه الإعلامية” منى عبد الوهاب”،لتكشف خلال الحلقة عن بعض من أسرار حياتها الشخصية، بجانب حديثها عن معاناتها بعد وفاة والدتها، مضيفة إلى أن كان ذلك سببًا في تغيير شخصيتها، وسبب منعها من زيارة موطنها الأصلي فلسطين.
معاناة ياسمين رئيس خلال بعض فترات حياتها:
وكشفت “رئيس”، عن معاناتها في بعض فترات حياتها قائلة:” بمواقف كتيرة في حياتي، وفي مواقف بتخلي الشخص يغير قراراته، وحصلي أكتر من مرة، وأول مرة لما خدت قرار أني هكمل في شغلي، بعيد عن الموديل وقولت خلاص مش هكمل”.
-وذكرت أنها كانت خير الداعم لنفسها خلال فترة معاناتها، مضيفة:”وقفت قدام نفسي في المراية، وقولتلها حاولي لأخر مرة عشان ماتحسيش إنك قصرتي في حق نفسك في تحقيق حلمك، ونصحت نفسي وقولت ليها محدش يستاهل تنامي على المخدة معيطة”.
واسترسلت حديثها بسعادتها العارمة لأول مرة عرفت فيه أنها أصبحت مشهورة:” كنت ماشية مرة في الشارع بعربيتي ولقيت ولد ماسك إيد بنت افتكرته بيضربها نسيت نفسي ووقفت السواق ونزلت، شدتيه وقولتله بتضربها ليه؟ لقيتهم بيقولي إحنا عارفينك، ومكنتش أعرف وقتها إني معروفة”.
-وتحدثت عن وفاة والدتها وطبيعة علاقتها بإخواتها بعد سنة كورونا، قائلة:” سنة الكورونا كانت صعبة بالنسبالي، بسبب تعب والدتي وإنها توفت في السنة دي، وكل المواقف دي عملت ليا تغير في شخصيتي، وإني لازم أحضن إخواتي، ومش قادرة أتغير وأكون عيلة معاهم”.
ياسمين تعتز بكونها إمرأة:
تابعت ياسمين بإعتراضها بقناعات أغلب الناس وكونها إمرأة لها أراء مستقلة:” أنا بسجل اعتراضي دايمًا على حاجات ناس مقتنعة بيها، وبفكرهم أني إمرأة وليا رأي في أي حاجه مش عجباني”.
-وعلقت على إبداء رأيها وقت قضية حنين حسام وانتقاد الناس لها:”أنا معرفش ليه الناس اتضايقت مني لما اتكلمت وقولت رأيي على حنين حسام وأن البنت دي عملت حاجة غلط، ودا بيوري إن أي خد هيغلط هيتعاقب”.
-وذكرت خلال حديثها أن المراة بحاجة إلى المزيد من القوانين التي تتيح لها المزيد من الحقوق،قائلة:” أزمتي في المجتمع مع المرأة إن لسه لينا حقوق وحاجات كتير مخدنهاش زي المساواة في الأجور والفرص، وإحنا عندنا مشاكل لسه وفي لسه لينا قوانين محتاجينها، وأنا زيي زي أي ست عندي مشاكل في الفرص والأجور وسعيدة إني ست”.
– وعن انفصالها وتعرضها للخيانة:”عمري ما خونت وسامحت في الخيانة كتير، ووقت الانفصال دا ترتيب من عند ربنا، محدش بيتدخل فيه، والبيوت أسرار”.
تفاصيل عن جنسية ياسمين وسبب عدم قدرتها لزيارة موطنها فلسطين:
– وتحدثت الفنانة”ياسمين رئيس”، لأول مرة عن جنسيتها” أنا فلسطينية من يافا، وفكرت أزور فلسطين، ولكن مش من حقي، لأن أهلى خرجوا من 48 سنة، وهما من المحرومين من حق العودة، وملفهم أكبر ملف في الأمم المتحدة، وتصريحي اترفض 3 مرات للزيارة”.
ياسمين رئيس عن مشاركتها في كليب”حبيبتي افتحي شباكك أنا جيت”:
-في ناس كتيرة كانت مبسوطة بمشاركتي في كليب حبيبتي افتحي شباكك أنا جيت مع المطرب حسن شاكوش، وفي اللي اتضايق، وده لم يؤثر على عملي، وعملت الكليب ده عشان انبسط وكان نفسي صوتي يكون حلو وأكون مطربة.
تابعونا على صفحات موقع الحكاية الرسمية
Elhekayah TV – تليفزيون الحكاية
