حلت الفنانة ميسرة ضيفة ببرنامج “شاي بالياسمين” تقديم الإعلامية ياسمين الخطيب الذي يعرض على قناة “النهار، وتحدثت الفنانة عن وعلاقتها بنجوم ونجمات الوسط الفني، ومشاريعها الفنية خلال الفترة المقبلة، إلى جانب كواليس وأسرار عن حياتها الشخصية كشفت عنهالأول مرة.
وجاءت تصريحات ميسرة كالآتي:
–متجوزتش ولا مرة، علشان كده مقبلة على الحياة.
– طلبت الزواج من وائل الدحدوح، لأنه رمز للرجُل الفلسطيني المؤمن بقضيته حتى لو ثمنها ولاده ومراته.
–وائل الدحدوح والفلسطنيون رمز بالنسبة لينا كلنا.
– أتمنى يفتحوا لينا الجهاد في فلسطين وهنروح كلنا، آه مش هقدر أشيل سلاح لكن هقدر أمرّض، الشباب عنده استعداد يروح يجاهد.
– مقابلتش راجل ممكن يبقى سند ليا.
– عملت فلوس من شغلي في العقارات في لندن.
– أنا اشتغلت في الفن علشان بحبه، ولكنه مبيجبش فلوس.
– الغناء ممكن يجيب فلوس عن التمثيل بكتير.
– السوبر ستار في مصر هما 1% من تعداد الفنانين في النقابة.
– أعلى أجر خدته في الأفلام كان 25 ألف جنيه، ومفيش نجومية لـ بنت بتوازي نجومية ولد في مصر.
– مفيش ورق بيتكتب لـ الست، مفيش غير منى زكي وده ذكاء علشان بتعمل حاجات عن قضايا الستات، وده عملته بعد ما بقت سوبر ستار،وده تقصير من المنتجين والمخرجين.
– الشغلانة في مصر مفيش فيها ابتكار.
– مخرجين قليلين اللي بيخرجوا الممثل بشكل جديد، منهم هاني خليفة وكاملة أبو ذكري.
– نفسي أعمل حاجة غير إغراء، والحمد لله عملت أدوار شر.
– مسلسل عباس الأبيض كان وش الخير على الكل، ومنه عادل إمام خدني في فيلم السفارة في العمارة.
– أكتر دور عملته جريء كان في فيلم بوبوس.
– مش عايزة أفتكر فيلم هو في كده، لأن الورق حاجة واللي اتنفذ حاجة تانية.
– فيلم هو في كده اتعرض أسبوع في السينما واتشال.
– ممكن أعمل إغراء لو بيخدم الدراما.
– أتمنى أعمل دور أم.
– مندمتش على بوستي مع عادل إمام في فيلم بوبوس، ومش هعملها تاني.
– مش فاهمة يعني إيه سينما نظيفة، ممكن يكون فيه سينما بدون ابتزال.
– الذكاء سر استمرارية عادل إمام طول السنين دي.
أحدث أعمال الفنانة ميسرة
يذكر أن، ميسرة تشارك بفيلم “أسرة في بعضينا” سيعرض الفترة المقبلة بطولة هشام إسماعيل، مروة عبدالمنعم، سارة درزاوي، وتدورأحداثه في إطار كوميدي حول أخ وأخته، حيث يحاول الأخ الزواج في شقة العائلة نتيجة غلاء المعيشة وارتفاع أسعار العقارات، فتبدأالمواقف الكوميدية بينه وبين أخته وخطيبها.
