أعلنت الفنانة المحجبة منال عبد اللطيف، فى حوار تليفزيوني مع الإعلامية مروة صبري يأن فكرة خلع الحجاب تراودها .
وقالت في تصريحات تلفزيونية : “فكرت أني أقلع الحجاب، ليه الفكرة بتراودني لأن أوقات بتوحشني منال المنطلقة، وأنا بطبيعتي منطلقة وأوقات بتوحشني منال وابقى عايزة انطلق في كل حاجة وأن مفيش حاجة تقيدني لكن سريعًا بقول لأ أنتي تدعي ربنا انه يثبتك لأن دي خطوة مش هينة على طول برجع لدماغي فورًا لكن بتراودني الفكرة طبعًا بتراودني”.
وأكملت : كل ما بتيجي الفكرة على بالي وأول يا منال اقلعي بقى الحجاب وبعدين أقول لنفسي انتي اخدتي الخطوة وقعدتي السنين دي، والفكرة اللي بتلح عليا أن إن شاء الله لما بنتي الكبيرة فرح تتجوز بفكر أني في الفرح أقلع الحجاب مش عارفة ليه بس الفكرة دي بتزن عليا ومش ضروري ألبس فستان مفتوح أهم حاجة أني أكون منطلقة لأن دايمًا الطرحة بتضايقني وأقعد طول الوقت أظبطها، وبقالي 11 سنة محجبة .
ونفت بشكل قاطع الأخبار التي تحدثت إنها ارتدت الحجاب بسبب تساقط شعرها، وشددت أن السبب وراء ذلك هو مرورها بقصة مأساوية على حد تعبيرها في إحدى اللقاءات التليفزيونية.
واضافت: “عشت قصة مأساوية، لأن كان في واحدة فضلت تكلمني على الماسنجر وتقولي أنت اتحجبتي ليه، قولتلها الحمد لله، قالتلي لا أنتي اتحجبتي علشان انتي قرعة”.
وحكت الفنانة منال عبداللطيف قصة ارتدائها الحجاب، قائلةً : “قرار الحجاب مكنش مفاجئ وقعدت سنتين محتارة ومترددة في إني آخد القرار لحد ما جاتلي رؤية في المنام فيما معناها تزودوا فإن خير الزاد التقوى، وقلت توكلت على الله وأخبرت زوجي بقرار الحجاب وفي الأول مكنش مصدقني، لأن شخصية مزاجه شوية، ولكني أكدت له إني اتحجبت وقولتله يشتريلي ملابس جديدة مناسبة للحجاب، ولو عايزة اقلع الحجاب هقلعه لكن مش هتحايل على قراري مع ربنا وأمثل وانا لابسة باروكة”.
واختتمت “الست دي قالت لي أنا عرفت أنك كنتي بتصبغي شعرك ووقع وبقيتي قرعة علشان كده اتحجبتي، على الرغم من أن عمري ما عملت صبغة في شعري”.
تابعونا على صفحات موقع الحكاية الرسمية
Elhekayah TV – تليفزيون الحكاية
