علق كريم شلبي، صاحب واقعة الصفع مع الفنان محمد رمضان، على اعتذار تمبر وان له ، بعد المشاجرة التي وقعت بينهما بالساحل الشمالي.
وأوضح كريم شلبي في فيديو م نشره : “إذا كانت أيدي الشمال ناموسة فأيدي اليمين مرزبة، وشكرا لكل واحد وقف معايا ودافع عني، وأنا أما اتكلمت اعترفت بخطئي لأن الاعتراف بالحق فضيلة”.
وأضاف: “الحمد لله أنا شبعان من حب الناس وعيني مليانة من صغري، فأنا مطلعتش اتكلم في أي قناة أو فيديو علشان أنا مش زي ما بتقولوا طالع أركب ترند”.
وتابع: “اعتذارك طبعًا على راسي من فوق، بس فيه ناس بتتولد صغيرة وبتكبر، وفيه ناس بتتولد صغيرة وبتفضل صغيرة”.
وأختتم :”لما روحت مكتب الأمن وأنت واخد مني التليفون قالولي نعمل محضر قولتلهم لأ العفو عند المقدرة زي ما النبي قال، وفي الآخر لو حد طالع من الحوار ده مرضي فهو أنا، وشكرا لكل واحد وقف في صفي”.
إعتذار نمبر وان
قدم محمد رمضان في فيديو على صفحته الشخصية على انستجرام الإعتذار عن تصرفه الأخير بصفع معجب له في مراسي، بعدما قام الأخير باستفزازه بجملة”محمد حمضان”، مشيرا الى انه لم يستطع تمالك أعصابه.
وقال محمد رمضان في الفيديو: الجمهور العدل الأصيل الغالي ألف شكر وربنا ما يحرمنيش منكم على وقفتكم معايا ومساندكم، وقرأت وسمعت قد إيه دافعتم عني وغلطتم الولد الصغير، ولكن أنا عملت الفيديو ده علشان أعترف بخطأي وأعتذر لأهل الولد الصغير، إني إيدي اتمديت عليه وأنا عارف إنه عيل صغير.
وأوضح محمد رمضان: لما غلط في الأول قلعته الكاب وبصيت في وشه لقيت إنه صغير وقلت له اسمك إيه ولما رجع غلط تاني لفيت وقلت له هات التليفون خباه، وما تملكتش نفسي وضربته قلم بسيط والقلم البسيط ده طير له الكاب والنضارة، ولو نعتبر أن الناموسة اللي وقفت على خدي قلم فأنا أستاهل خمسة لأني مديت إيدي على عيل صغير ودي لا رجولة ولا بطولة
وأكمل: وأنا ما تمالكتش نفسي لما خدت تليفونه ومسحت الفيديو وحد قال لي اكسر له تليفونه علشان ما يعملش كده تاني، قلت له لو هو غلط أبوه وأمه ذنبهم إيه يجيبه له تليفون تاني، خاصة لما عرفت إنه من قرية تانية، وقلت لهم روّحوه، والأمن قال اعمل له محضر قلت لهم لا يروح بعد إذنكم.
وفي وقت سابق ضجت مواقع التواصل الاجتماعي بعد انتشار مقطع فيديو للفنان محمد رمضان وهو يصفع معجبا ويعتدي عليه، وفي المقابل رد له الشاب تلك الصفعة في لحظتها، وذلك خلال تجول محمد رمضان في قرية مراسي بالساحل الشمالي بعد إحيائه حفلا هناك.
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
القصة الكاملة لفيديو خناقة محمد رمضان مع احد المعجبين في مراسي
