وجه المُلحن عمرو مصطفى رسالة غامضة لإثارة الجدل من جديد، ويؤكد أن هناك بعض النجوم قلت نجوميتهم بعد أن ابتعد عنهم صناع أغانيهم، كما أشار أن هناك مجموعة جديدة من الشباب يكتبون التاريخ من جديد بمواهبهم البارزة.
عمرو مصطفى: حفلاتكم مبقيتش زي زمان..والشباب قادم بقوة
ونشر عمرو بوست على حسابه على انستجرام، وقال:فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعرة مني.
وأردف عمرو مصطفى: الشباب اللي جاي بقوة، وأنتم مش عارفين تقفوا قدامهم، الجمهور بيعرف مين اللي يستاهل، ومين اللي خلاص بقى من الماضي، والتاريخ بيتكتب من جديد، واللي كان شايف نفسه كنز، طلع مجرد مغارة فاضية.
يذكر أن عمرو مصطفى أعلن الفترة الماضية عن تسجيله للقرآن الكريم بصوته، كصدقة جارية له، كما أوضح أن جميع الأعمال التي قدمها منذ عام 1999 سيقدمها مرة أخرى بصوته بعد انتهاء مدة حقوق ملكيتها، وذلك ردًا على أحد متابعيه والذي طالبه بتسجيل القرآن.
تابعونا على صفحات موقع الحكاية الرسمية
Elhekayah TV – تليفزيون الحكاية
