صرح الفنان مصطفى قمر عن رفضه المشاركة في حفلات التسعينات، مؤكدًا أنه مش مجرد نجم ظهر في فترة وانتهى.
وقال قمر، في لقاء مميز مع الإعلامي عمرو الليثي ببرنامج “واحد من الناس”: “أنا مش بتاع التسعينات بس، أنا استمريت ونجحت في الألفينات و2020 ولسه مكمل.”
وأضاف مصطفى أنه مش مع فكرة طرح أغاني جديدة كل أسبوع لمجرد الانتشار، وبيشوف إن الأغاني لازم يكون لها طابع مميز، وبيعتبر مايكل جاكسون مثله الأعلى في كده، لأنه كان بيقدم فن بأفكار جديدة دايمًا.
وأكد: “الفلوس مش أولويتي في الفن، لو هدفي الفلوس كنت رحت للبيزنس.”
واختتم مصطفى كلامه بالكلام عن أحدث كليباته “صناعة مصرية”، اللي صورها لأول مرة في مدينة الإسكندرية، مسقط رأسه، واللي يعتبرها خطوة مميزة لأنه لأول مرة يصور فيها كليب في بلده
