كتبت- أسماء نافع

بهدف تعليم الأمهات ومساعدتهم على تربية ورعاية أطفالهم بطريقة سليمة، ومن أجل القضاء على الموروثات والمعلومات الخاطئة، أسست روزانا جروب وبيدج “ماما علي الطريق الصح“،  وهي أم لطفلين قبل 3 سنوات، حتى أصبح عدد متابعين وأعضاء الجروب 86 ألف أم .

أقرأ أيضاً.. كلها بهجة.. طريقة هاجر المميزة لتقديم الأكل (بالألوان والكرتون وحياة ديزني)

وتحكي “روزانا” فكرة تأسيسها للجروب ومن بعده البيدج “ماما على الطريق الصح”، لموقع الحكاية :” زي أي ست في بداية حملي بدأت ادخل جروبات اساميها لا تمت بصلة لما في داخله، محتواه بعيد عن تعليم الأمهات للتعامل مع أطفالها.. من هنا كانت فكرة الجروب”.

وتضيف :” “الجروب هو الأساس اللي بعلم فيه الأمهات الإسعافات الأولية لأطفالهم وبداية إدخال الطعام  وإيه المناسب والصحي لكل سن وكمان بتابع معاهم وقت دخول الشتا ووقت بداية الصيف وطبعاً حاجات تانية كتير جوة الجروب”.

وتتابع :” وبدأت أعلم الأمهات كل خطوة من أول يوم ولادة، وبقت سلسة جروبات جروب للتربية وجروب الاسعافات وجروب الأكل.. ورغم انشغالي بأطفالي إلا أنه باستمرار موجودة على الجروب اطمن على الأطفال والأمهات وأتابع معاهم، وأتمنى نفضل كده حتى نقضي على الموروثات الغلط اللي كل الناس بتنفذها بدون تفكير”.

تتحدث روزانا عن أن هذا الجروب عبء ومسئولية حيقية عليها :”لما تلاقي خلاص أمهات وثقت قيكي وبتبعتلك تستنجد بيكي في الفجر ابنها سخن تتصرف إزاي أو طفل بلع مادة سامة .. ده بيخليني دايماً بحاول أزود عدد الأدمن المساعدين عشان نكون موجودين فكل وقت ونحاول نساعدهم بسرعة علي قد ما تقدر”.

وفي بعض الأحيان تتواجد بعض التعليقات السخيفة أو المؤذية للغير، ويتم التعامل معها بالبلوك وفقاً لروزانا:” التعليقات والكومنتات السخيفة دي مبتجيش للأسف إلا من أمهات عاملة نفسها فاهمة ،وهي للأسف لا تفقه شيء وكل تفكيرها أنه إزاي أطلع صح ..أنا دائما أقولهم  اسمعوا كلامي أنا مش هاخد جايزة لو سمعتوا كلامي كل اللي يهمني مصلحة اطفالكم”.

وتقول روزانا أن أطباء الأطفال معجبين بجروب ماما على الطريق الصح، وأكثر من  طبيب شجعها على ما تقوم به.

وتوضح للحكاية الهدف من الجروب:” لازم كلنا نفهم ونفسي نفهم فعلاً، الزمن بقي صعب مش كل الأمهات تقدر تنزل تكشف مرة واتنين و٥ في الشهر في ام معاها ٤ أطفال، لو  ساعدناها بإسعاف يمكن لما تسعف طفلها بدوا مسموح لسنه وبسيط مفيهوش تركيبات معقدة  يكون تركيباته أغلبها أعشاب يمكن الطفل يخف ويبقي شيلنا عنها عبء المصاريف كفاية باقي مصاريف ومتطلبات الحياة.. ولو في أعراض تقيلة أو حرارة طبعاً بقولها لازم كشف فوراً لمصلحة طفلها”.

موضوعات ذات صلة..

شغلها تحفة وأنتيكة.. رنا أحمد (ملكة الشموع المعطرة) على السوشيال ميديا

صاحب أشهر ميمز على السوشيال ميديا.. معلومات عن التركي “كوكسال بابا”