تحدث عبد الرحمن وحيد الطالب المتهم بتسريب امتحان اللغة العربية بالثانوية العامة، موضحا انه متهم ظلما، و لا يعرف سبب اتهامه بالتسريب.
وأضاف “وحيد”، خلال مداخلة هاتفية ببرنامج “90 دقيقة”، الذى تقدمه الإعلامية بسمة وهبة، عبر قناة “المحور”،: “كنت لابس ساعة اللى بتجيب نبضات القلب، وخدوا منى التابلت والساعة، وهي إصدار قديم ومن غير كاميرا ومن غير داتا”.
واستكمل قائلاً:” مكنش معايا تليفون، لأنه ممنوع التليفونات، ومعنديش فيس بوك على التابلت لأنه مقفول فيه كل حاجة، وكنتن فاتح كتاب العربى بي دي إف، ورئيس اللجنة قال لى: الامتحان اتسرب والكود بتاعك في اللى اتسربت، وممكن اللى سرب الامتحان غير الرقم بالفوتوشوب، أو الرقم اتنقل غلط وجه الكود بتاعك، وقال لى: انت متهم بتسريب الامتحان بتصويرها بالساعة أو تسريبها بالإنترنت، وتم تحريز الساعة، وهيحللوا الساعة “.
