قال الرئيس عبد الفتاح السيسي: “قولنا عاوزين اتفاق قانوني ملزم ينظم موضوع سد النهضة، بين الدول الثلاث، فيما يخص عملية ملء وتشغيل السد، وتحركنا ومازلنا متحركين فيه، وتحركنا بمجلس الأمن لأجل وضع الموضوع على أجندة الاهتمام الدولي”.
وأضاف السيسي، خلال كلمته بفعاليات المؤتمر الأول للمشروع القومي “حياة كريمة” لتنمية قرى الريف المصري، “الموضوع مترتب كويس، التفكير فيه مش وليد اللحظة، وفيه كلام أقدر أقوله.. لكن فيه كلام ما أقدرش أقوله، وهو الإعداد اللي بنعده جوة بلدنا مصر.. إحنا بنعمل مشاريع عشان نوفر كل نقطة مياه عشان، ناخد بأسباب الحفاظ على المياه في مصر”.
وتابع الرئيس: “مشروع تبطين الترع أحنا رصدنا له ما يقرب من 60 مليار جنيه، ونتمنى الانتهاء منه خلال العامين أو الثلاث أعوام المقبلين.. وكل ده لأجل توفير المياه والمشروعات خلال السنوات الماضية والقادمة، الهدف منها الاستفادة القصوى من المياه وعاوز أقول إننا خدنا بالأسباب في كل شيء، ثم بنقول للآخرين عيشوا وإحنا هانعيش.. ومصر دولة كبيرة”.
