قال الإعلامى عمرو أديب، إن هناك بوادر لحلحة الأزمة بين روسيا وأوكرانيا، وتابع:”أنا هتكلم عكس التحليل..عندي استنتاج يرقى لمعلومة.. المفاوضات بين روسيا وأوكرانيا ماشية كويس.. واحتمال يقعدوا في القدس بمجهودات إسرائيلية تركية..ووارد جداً أنى أكون غلط..بس فيه تقدم ملموس “.
وأضاف “أديب”، خلال تقديمه برنامج “الحكاية”، المذاع عبر قناة “mbcمصر”، أن الروس قصفوا مركز تدريب الجنود الأوكرانيين بالقرب من الحدود البولندية، وتابع:”الرسالة الروسية واضحة جداً ..وروسيا بعد كل ده مش هتتراجع بدون ما تاخد حاجة.. مش هيتفاوضوا إلا لما يكسبوا حاجات هم عاوزينها”.
وشدد “أديب”، على أن كافة دول العالم خاسرة في الحرب الروسية الأوكرانية، وتابع:” مفيش أي حد كسبان في حرب أوكرانيا وروسيا.. العالم كله خسران.. بوتين في أوكرانيا وبيعمل اللي هو عاوزه ومش مضطر يحتلها.. ومسيطر على السماء وكل حاجة ومش هيرجع الا لما يأخذ ما يطالب به”.
وتابع أديب”، :”العالم تعبان مش قادر يستحمل ولا أسعار ولا تضخم ولا انكسار سلاسل الشحن والتوريد بسبب روسيا وأوكرانيا”.
