تصدرت حلقة عائلة الفنان الراحل محمد عوض التريند ومحركات البحث على جوجل بعد حلقة صاحبة السعادة مع الإعلامية والفنانة الكبيرة السابقة إسعاد يونس عبر فضائية Dmc.
وحلت العائلة كضيوف على صاحبة السعادة وكشفوا تفاصيل عديدة عن حياتهم الشخصية كما حرصت جيملة عوض عن كشف كواليس زواجها من المونتير أحمد حافظ.
أبرز تصريحات جميلة عوض
- أحمد كان شاهد في كتب كتاب عمرو يوسف وهما أصدقاء من 20 سنة مثلا وكان طبيعي عمرو يشهد على العقد
- أول مرة أشوف الفستان وأقيسه كانت قبل الفرح بـ 6 أيام، وقلت لعاطف لازم نرقص رقصة مع بعض
- مكنش على بالي أتجوز خالص من كتر ما الناس دايمًا بتقول تعليقات سلبية على الجواز
- كان مونتير حاجات عملتها من أول هيبتا وكنت صغيرة أوي وشكلي مش اللي يعجب بيه
- وسأل حد من صحابه عني قال له دي صغيرة ومش هتديك وش
- أحمد كان معجب بيا بس معندوش وقت يركز معايا وكان بيكلمني كل أسبوعين ويسألني عن الشغل أو مهرجان أنا فيه
- وقت كورونا بدأ يكلمني بشكل مستمر وأنا ابتديت أحس بالتعلق وبدأ يقولي بحبك وإديني فرصة أكون موجود في حياتك
- أحمد كان بيتعامل بنضج ومن غير ابتزاز وبطريقة صحية وده حسّسني بأمان جدًا وخلّاني أبص له بشكل مختلف وتعلق أكتر.
تصريحات عاطف عوض عن والده الراحل محمد عوض
تحدث المخرج ومصمم الرقصات عاطف عوض عن ذكريات طفولته مع والده، من خلال برنامج صاحبة السعادة، رصده لكم موقع تحيا مصر حيث قال: “لما كنت بسمع صوت فتح باب البيت، بعرف أن والدي وصل، وفجأة البيت كله يهدى، لأن في غيابه طول اليوم، بنلعب بصوت عالٍ، لكن وهو في البيت الكل بيسكت، يعني بمجرد ما نسمع تكة مفتاح الباب، البيت كله يبقى صامت”.
وأضاف: “والدتي كانت هي اللي تفرض النظام ده علينا في البيت، احتراما لطقوس والدي وتقديرًا لأنه طول اليوم في الشغل، ماما كانت بتوقفنا إحنا التلاتة قدام الأسانسير لغاية ما هو ينزل لتحت، وأول ما يخرج ونستنى شوية والباب يتقفل، الصوت والحركة تشتغل في البيت”.
عادل عوض: اكتشفت إن في كل البيوت الأمهات بتخوف ببابا
ومن جانبه، أكد عادل عوض، أن والدتهم كانت تخيفهم بوالدهم وهو ما تفعله كل الأمهات، وقال: “اكتشفنا إن في كل البيوت الأمهات بتخوف ببابا، كنا أنا وعاطف أشقياء وعلاء كان هادي جدًا”. وعقب علاء عوض على كلام شقيقه وقال: “بعد ما وصلت لـ 15 سنة والباليه، بقيت شقي”.
تابعونا على صفحات موقع الحكاية الرسمية
Elhekayah TV – تليفزيون الحكاية
