هاجم الفنان أحمد آدم الفنان تامر حسني، وكشف آدم رأيه بالأعمال التي يقدمها تامر حسنى ، مؤكدًا أن أغانيه بها إسفاف وأفلامه سيئة جدًا.
وقال أحمد آدم في خلال برنامجه آدم شو المذاع على شاشة الحياة، تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات.
وأردف أحمد آدم: وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا.
