كشف المونتير أحمد حافظ عن أنه تفاجئ ببكاء زوجته، الفنانة جميلة عوض، في أول يوم بعد زفافهما، وذلك عقب زيارة والدتها الفنانة راندا لهما.
وذكر أحمد حافظ في اتصال هاتفي مع برنامج “صاحبة السعادة”، الذي تقدمه الفنانة إسعاد يونس عبر قناة dmc: “راندا كانت واحشاها جدا، وأول يوم إتعشت معانا وطلبنا أكل من برا ملوخية ورز”.
وتابع: “راندا دخلت هي اللي تغسل الأطباق وقالت لجميلة تعالي معايا، ومعرفش إيه اللي حصل بينهم وأول ما راندا مشيت لقيت جميلة قاعدة لوحدها بتعيط والنور مطفي”.
واختتم: “سألتها مالك ياروحي، قالت أنا مش عايزة جواز ولا عايزة أشيل حاجات من الحوض ولا أغسل أطباق، بس بصراحة تاني يوم عملتلي سندوتش جبنة رومي، واليوم اللي بعده عملتلي بيض”.
تحدثت الفنانة جميلة عوض عن الصفات التي جذبتها لزوجها المونتير أحمد حافظ وذلك خلال استضافتها في برنامج “صاحبة السعادة”، المذاع عبر قناة dmc الذى تقدمه الفنانة إسعاد يونس.
وقالت جميلة عوض:”كان بيعدي وقت وأقول أكيد هيفيص مني ويقول مش قادر على موضوع الصداقة، لكن لقيته موجود وموريني اهتمامه، وفي نفس الوقت رزين في نفسه، ولما عدت سنة من غير ما يشتكي فعلا تعلقت به كصديق.. لقيته بيتعامل بنضج ومن غير ابتزاز وبطريقة صحية، وده حسسني بأمان جدا، وخلاني أبص له بشكل مختلف وتعلق أكتر”.
وأضافت:” فكرة إنه ناجح في شغله وشاطر جدا، ومحبوب من كل الناس فهو صديق خطير وجدع، واداني مواصفات الصديق جدا وعليها شوية حاجات، وأنا اتعلقت بالطريقة دي، إنه تقيل وموجود في نفس الوقت”.
تابعونا على صفحات موقع الحكاية الرسمية
Elhekayah TV – تليفزيون الحكاية
بعد قصة حب طويلة.. أول صورة من عقد قران جميلة عوض وأحمد حافظ
