حل الفنان أحمد مالك، على برنامج Ab talks، الذي يقدمه الإعلامي أنس بوخش،ليكشف عن تفاصيل بدايته الفنية وطفولته، موضحًا التنمر الذي تعرض له في بداية مراهقته بسبب بنيته الجسمانية.
و تحدث” أحمد مالك” عن بداية أعماله الفنية، موضحًا أن بداية أعماله كان عمل إعلاني عن مكرونة، وقال:” أنا بدأت الشغلانة دي وأنا صغير أوي، أول مرة وقفت قدام الكاميرا كان عندي 8 سنين، وكنت بعمل إعلان مكرونة”
وتابع أحمد مالك:” والمكرونة كانت نية علشان شكلها يبقى حلو، وكنت باكُلها وكنت عايز أرجع ولكن مينفعش علشان الناس بتزعق المفروض التجربة دي لطفل مش حلوة، ولكن أنا كنت مبسوط زي يوسف عثمان في فيلم بحب السيما”.
وأكمل:” كنت بدخل اللوكيشن وأنا طفل عندي 9 سنين كنت بحس أنه شيء بيكسر كل الواقع اللي كنت عايش فيه، وكنت بشعر بالأمان التام في اللوكيشن وأنا عندي 13 سنة”.
أحمــد مالك عن طموحه الفني
واسترسل حديثه:” أنا عندي الجوع بتاع أني معملتش حاجة، مع أني عملت كتير، أنا مش عارف أنا عملت إيه مع أني الحمد لله اشتغلت كتير وعملت حاجات كويسة وممتن للمهنة جدًا”.
واختتم أحمد مالك:” رؤيتي لنفسي وذاتي مرتبطة أوي بـ رؤيتي لمهنتي، وأنا معتقدش إني هعرف أعمل حاجة زي ما بعمل فن، والتمثيل اختارني من وأنا صغير جدًا وخلاص القدر اختار ده فأنا جزء من ده، وقررت إني هوهب حياتي والمعنى بتاعي هو الفن، ولو هختار حاجة غير التمثيل هتبقى الكتابة”.
أحمد مالك: كنت بحس بخذلان من شكلي وتعرضت للتنمر
و تحدث أحمد مالك عن طفولته، مشيرًا عن التنمر الذي تعرض له في طفولته، قائلًا:” كنت طفل فضولي جدًا، وأنا صغير مكنش عندي ثقة في نفسي وده بينعكس دلوقتي، وكنت دايمًا بحس إني مش قوي بدنيًا وبحس بخذلان من هيئتي وشكلي، وتعرضت للتنمر في مراهقتي المبكرة وكنت بتكسف جدًا وطول الوقت عايز استخبى.
تابعونا على صفحات موقع الحكاية الرسمية
Elhekayah TV – تليفزيون الحكاية
