حلت الفنانة انتصار ضيفة على برنامج In Deep في العمق مع الإعلامي تامر شلتوت عبر قناته الرسمية على يوتيوب وكان لها تصريحات نارية خلال الحلقة يعرضها لكم موقع الحكاية في هذا التقرير:
– “أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، أم كلثوم غنت للقبلة كارهين القبلة ليه؟، إحنا متربين على سينما كلها قبلات، وماله المايوه موجود وبيتباع في الشارع، ليه عايزين تاخدوا تصريح على لساني تدينوا بي المايوه؟، ما أنا بلبس المايوه أنزل بيه البحر مش مقاطعاه، حرام عليكم بقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إيه سينما نظيفة.. مغسولة يعني؟!”.
– “كنت في البرنامج وبنعمل حلقة عن أسباب مشاهدة الفيديوهات الإباحيـ ـة، فناس قالت بنصبّر نفسنا، فأنا قلت الناس بتتفرج ليه؟!، كنت عايزة أجد أسبابًا، منها الفضول والمراهقة وأحيانًا بيكون مرض، إجابة عادية، لكن مقولتش أنا بدعم الفرجة على الأفلام الإباحية”.
– “في زميلة على شمالي قالت تعليق أنقح مني، قعدت تشرح وعليت عليّ، سابوا كلامها ومسكوا فيا، إحنا بنتقاضي أجر مقابل اللي بتقوله، ووائل الإبراشي قالي إيه البرويل اللي عملاه دا أنا والله بحب الحاجات دي أوي، قلت له أنا منزعجة، أنت بتطلع كل يوم دي شغلتك، أنا أول مرة أتعرّض لها”.
-” مكنتش عارفة إني رايحة لرامز، ونزل عليا كريزة ضحك في الحلقة لما عرفت المقلب، وتشبثت بـ هشتاج فاتنة الشرق كمل معايا، هتشبث بيه وهبقا انتصار فاتنة الشرق، كمان في واحد قاللي انتي هيلكوبتر مصر، دي زي باشا مصر كدة، بس فاتنة الشرق أحلى”.
– “حد قالي إنتِ كبرتي ولسة حلوة، قلت له البضاعة بتبان بعد الحمل والرضاعة، أنا بحب ابتسامتي والغمازتين اللي عندي جدًا”.
-“واحد قالي يا سافلة يا مستبدة عشان موقفتش اتصور معاه على كوبري أكتوبر”.
وتابعت انتصار: في معجب تاني بعتت لي شتيمة وصور على الواتساب، فاخدت اجراءً قانونيا ضده، وقدمت شكوى بمباحث الانترنت، لإن إحنا مش هنعيش العمر كله نعمل بلوك”.
