يبدو أن له أعداء كثيرين، وأرادوا الانتقام منه، فقرروا استغلال ما أثير بشأن قانون الأحوال الشخصية الجديد، الذي يعاقب الزوج بالحبس، وغرامة تصل إلى 150 ألف جنيه، واشاعوا داخل قرية شبراريس في محافظة البحيرة، أنه متزوج من سيدة أخرى، واستعانوا بأحد الدجالين، الذي أيد روايتهم، ما أغضب زوجته منه، وتركت له المنزل، وقررت أن تغرمه.
محمود العطار، متزوج منذ أكثر من 15 عاما، وكان ينعم بحياة زوجية مثالية، وقصة حب يحكي عنها أهالي قريته، حتى قرر أن ينتقم منه بعض أعدائه، وأشاعوا عنه أنه متزوج من امرأة أخرى:
«منهم لله ولاد الحرام، راحوا قالوا لمراتي اني متجوز من ست تانية، وسابت لي البيت ومشيت، هي والولاد، وأنا والله مش متجوز، ده أنا خايف من قانون الجواز الجديد ده، ومش عايز اتحبس، ولا معايا أدفع الغرامة،
وكمان أنا راجل بيحب مراته» بحسب «محمود»، الذي هجرته زوجته منذ عدة أيام، وقررت ألا تعود إلى المنزل، بل وترفع عليه قضية خلع وتغريمه.
«يا ناس هتجوز ازاي بس، وأنا راجل فلاح دخلي على قدي يا دوب بيكفيني ويقدر يعيشني»، بهذه الكلمات يخاطب «محمود»، وقرر أن يسجل لها فيديو، ويطوف به في القرية كلها حتى يبرئ نفسه من تهمة الزواج للمرة الثانية:
«مراتي غضبت وراحت لبيت أبوها، روحت عشان أصالحها قالت لي أروح لدجال الأول، يأكد لي أنت متجوز ولا لأ، والدجال منه لله خد مننا فلوس، وقال أه ده متجوز عشان سمع الإشاعة من أهل البلد، وعامل نفسه فزلوك، وعارف كل حاجة، وخرب بيتي منه لله، ومراتي مصممة أنها تسيبني ومش عايز ترجع لي تاني».
ووجه «محمود»، رسالة إلى زوجته «ما تصدقيش الشائعات عودي من أجل أولادي، عودي من أجل حبي، عودي من أجل الطبيخ، مش عارف أكل ولا عارف أغسل ملابسي، ولا عارف أعيش من غيرك،
أنا مش خايف من السجن، أنا مش خايف من الغرامة، أنا خايف على حبنا، أنا فلاح لكن بقلب روميو، أنا فلاح أصيل، باقي على العيش والملح».
