كتبت : أوركيد سامي
إسراء يحيي فتاة ذات 27 عام، تحب التصوير والطبيعة والفن والجمال وكل ما يخص الاهتمام بالجسم والشعر، عملت مشروعها الخاص بمنتجات عناية بالبشرة طبيعية ومصنوعة.
وقالت إسراء خلال حديثها لموقع الحكايه إن سبب تسميه البراند Butterfly Effect، هو حبها للفراشات، مضيفة: كل صحابي والناس اللي يعرفوني بيقولولي يا “فراشة”، فالفراشة خفيفة وجميلة وزاهية ومنطلقة.. وده اللي جوه كل بنت فينا.
وأضافت: الفراشة هي الأمل والسعادة والرقة والقوة والبدايات الجميلة والنهايات الأجمل، إحنا جايين الدنيا عشان نسيب أثر.. ده الأثر بتاعي.. أثر الفراشة، ولأننا ألطف الكائنات، حبّيت أسيب أثر لطيف وجميل في حياة كل حد هيجرب أي منتج من منتجات Butterfly Effect لما يلاقوا تحسن في شعرهم وجسمهم ورموشهم وضوافرهم وشفايفهم وكل حاجة عن طريق استخدام منتجات طبيعية مصنوعة بكل الحب ويلاقوا نفسهم في أحسن صورة وأحسن نسخة من نفسهم.
وتابعت: Butterfly Effect is a double meaning.أَثَرُ الفراشة لا يُرَى، أَثَرُ الفراشة لا يزولُ، وده اللي هتكتشفوه بنفسكم لما تسخدموا منتجات Butterfly Effect .
وعن أهدف البراند قالت: أنا بحب منتجات الـ Skin care وعندي هوس بيها من وأنا طفلة.. وأنا صغيرة كنت دايمًا بحب أستخدم المنتجات الخاصة بماما وكانت دايمًا بتشجعني لما شافت الشغف ده عندي وفجأة تحولت أوضتي لدولاب كبير فيه كل ما يخص العناية بالشعر والجسم والوش من كل البراندات، وبعد كده بقيت أعمل حاجات بسيطة لنفسي وسقف الشغف بتاعي كان حدوده السماء.
واستطردت: عرفت إن ده حلمي اللي لازم أحققه وأنا اللي أعمل كل منتجات الـ skin care دي لنفسي ولكم عشان أشارككم حلمي وأثر الفراشة Butterfly Effectffect كان حلم واتحول لحقيقة جميلة
واختتمت إسراء يحيى حديثها قائلة: “بهدي Butterfly Effect لزوجي وحبيبي وصديقي الوحيد، ولماما وبابا واخواتي وجدتي الجميلة لصديقاتي الحلوات، لكل بنت بتحب الجمال، ولروح الجميلة “ريم بنا”مغنية فلسطينية رحمها الله”
[contact-form][contact-field label=”الاسم” type=”name” required=”true” /][contact-field label=”البريد الإلكتروني” type=”email” required=”true” /][contact-field label=”الموقع” type=”url” /][contact-field label=”رسالة” type=”textarea” /][/contact-form]
