“إنتي الترند”.. أحدث أغنيات حسن شاكوش مع عمر كمال

اجتمع مطربي المهرجانات عمر كمال وحسن شاكوش في ديو جديد، وجاء يحمل اسم “انتي التريند”ويتعاونان فيها مع الموزع الموسيقي إسلام ساسو.

وأغنية “إنتي الترند” من كلمات سامح الكومي، واشترك في تلحينها خالد سلطان، وتقول كلماتها:

لفيت العالم حتة حتة
ملاقتش منك اي واحدة
ملهمش وجود

انتي الملخص والإفادة
بترفعي هرمون السعادة
بتعلي المود

سكر بتسكري ياللي بتسكري
والعقل يدوخ
جامدة ومتميزة خبرة ومدرسة
وبجد صاروخ

عالية ومش عادية ومية مية
وحلوه موت
اجمل واحدة هي واحلي شكل
واحلي عود

انتي الترند انتي البراند
انتي اللي يمشي وراكي جارد
زي المشاهير

اللي يشوفك محتاجله واسطة
يعملك فولو علي الانستا
يعملك شير

حسن شاكوش

تحدثت ريم طارق طليقة مؤدي المهرجانات حسن شاكوش، عن بعض أسباب طلاقها، قائلة: “كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي.. بينهم علاقة”.

وأضافت ” ريم طارق”، أن “قعدت 30 يوم في شهر رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك .. حلال عليها، والحرف الثالث من اسمها هو الراء”، لترد عليها بسمة وهبة قائلة: “مترجعيش لحسن”.

وواصلت: “سبب آخر، كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقول لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى.. وأخد الفلوس، وأطلب منكِ مواجهة حسن شاكوش”.

أكدت ريم طارق طليقة مؤدي المهرجانات حسن شاكوش، أن حسن شاكوش كان يعلم بأنها سبق لها الزواج وأنها مطلقة قبل أن يتزوجها، موضحةً: “سأل عليّ منذ 3 سنوات وقالوا لي إني بتجوز وبحضر لفرحي، ولما حصلت مشاكل بعد كده وانفصلت اتقدم لي”.

وأضافت ” ريم طارق”، أن “لم أكن على علاقة به ولم أتعرف عليه من خلال السوشيال ميديا ولم أغشه، لكنه كان جاي عن طريق أهله وأهلي مش عن طريقي”.