أكد الرئيس السيسي، اليوم الأحد، على ضرورة تحقيق عائد اقتصادي من مشروعات النقل في مصر، وذلك خلال مؤتمر “حكاية وطن بين الرؤية والإنجاز”.
وقال الرئيس السيسي إن “التشغيل الاقتصادي لمشروعات النقل هو أمر محل نقاش وخوف من المسؤولين والحكومة”، مضيفا أن “الهدف من إنشاء هذه المشروعات ليس فقط أن تكون جميلة، بل أن تحقق عائدا اقتصاديا حتى تستمر في العمل”.
وأوضح السيسي أن “تشغيل مشروعات النقل اقتصاديا أمر ضروري، حتى لا تتحول إلى عبء على الدولة”، مشيرا إلى أنه “لو قلت لمستثمر تعالى وخد القطار الكهربائي السريع اتكلف 25 مليار دولار، هيقولي طيب التسعير هقوله لا منقدرش”.
وأضاف السيسي أن “الدولة ملتزمة بتشغيل مشروعات النقل وتطويرها، حتى تؤدي دورها في التنمية الاقتصادية”، مشيرا إلى أن “هذا الأمر لا يتحقق فقط من خلال البناء، بل من خلال التشغيل الاقتصادي”.
وأفاد:””النقطة دي محل نقاش وخوف من المسؤولين والحكومة طيب فرحانين انكم افتتحتوها وجميلة ولا المهم تبقا جميلة؟ علشان تفضل جميلة يبقا التشغل يكون اقتصادي ..طيب الكلام ده تقولى وانت فيه انتخابات؟ انتوا عاوزين دولة ولا عاوزين اى حاجة ..هنضحك على بعض؟ ..عاوزين دولة علشان التريليون اللى اتصرفوا في قطاع السكة الحديد يجيب تريليون ولا 10 لا .. لو قلت لمستثمر تعالى وخش وخد القطار الكهربائى السريع اتكلف 25 مليار دولار هيقولي طيب التسعير هقوله لا منقدرش .. طيب خليه عندك بقا طيب أنت ملتزم تشغله وتعمله إحلال وصناعة وتدفع القرض حد يقولي طيب متعملوش طيب الموانئ متعملهاش طيب المناطق اللوجيستية منعملهاش”.
وتابع:”طيب عاوزين تبقوا بلد ازاى؟ .. عاوزين تاخده مكانكم على الخريطة ازاى؟ .. طيب الكلام ده بقوله علشان تعرف الدولة بتتعمل ازاى؟ طيب فيه أمثلة موجودة؟..عديت على دول افريقية كتير وشفتها ماكنت ماشية ازاى بسالهم بتقدموا دعم ازاى ووزير الخارجية يجيب تقارير يقدمها للناس ..وبسالهم بتقدموا دعم يقولي لا .. كهرباء لا .. بترول لا اكل يقولي لا طيب حاجة للزراعة بيقولي يمكن حاجة للاسمدة. بسال علشان اتعلم .. علشان اشوف بلدي هي كده ليه؟ علشان واحنا بنتكلم هنا معانا افاضل الناس .. مفكرين ومثقفين ومهتمين الشأن العام في مصر..اتكلمت في الموضوع ده قبل كده بشاركم الحوار وبتكلم .. الدولة حاجة تانية غير الكلام”.
موضوعات ذات صلة..
