كشفت الفنانة نهلة سلامة، عن السبب الحقيقي وراء طلاق والدتها، قائلة:” أمي صعيدية وكانت غيورة جدًا، وأبويا عايش حياته، وكان بيخرج مع ستات، فأمي طلبت الطلاق، العكس تمامًا اللي حصل، مش زي ما الناس بتقول”.
وأضافت “نهلة”، خلال لقائها ببرنامج “سابع سما”، والمذاع عبر قناة “النهار”، وتقدمه الإعلامية راغدة شلهوب، :” أن والدي هو السبب فيما وصلت إليه، حسيت إنه عاوزني أعتمد على نفسي زي الخواجات، لو محتاج حاجة وأنا أقدر مش هتأخر، لكنه كويس، طول الوقت بيسافر وعنده حفلات، وأنا مش زعلانة إنه كتب نصف الثروة لأختي، ربنا بيعوض، وعشان تبقى واخدة بالها من فلوسه”.
ووجهت الفنانة نهلة سلامة، رسالة شكر لوالدتها الراقصة الشهيرة نوال الصغيرة، قائلة: “وأمي ربنا يخليهالي، كافحت معايا، مهما عملت مش هأقدر أرد لها اللي عملتهولي، ربنا يخليكي ليا متشكرة على كل تعبك، ربتيني دخلتيني مدارس فرنساوي، انتي نقطة ضعفي”.
