فن
بسبب طلاقها 11 مرة.. ميار الببلاوي تنهار من البكاء بعد اتهام شيخ أزهر لها بالزنا “ما القصة؟”
![](https://elhekayah.com/wp-content/uploads/2024/04/8626fe4e-ff7d-44ff-8ef1-1d14541d2d66-780x470.jpg)
تصدرت الفنانة المعتزلة والإعلامية ميار الببلاوي محركات البحث على جوجل، وذلك بعد انهيارها في بث مباشر بسبب تصريحات الشيخ محمد أبوبكر، أحد علماء الأزهر الشريف عنها، والتي جاءت ردًا على تصريحات سابقة لها حول زواجها خلال برنامج «العرافة» للإعلامية بسمة وهبة، في رمضان 2024.
وظهر الشيخ محمد أبوبكر، أحد علماء الأزهر الشريف، في أحدى الفيديوهات يعلق على حديث سابق لميار الببلاوي، التي قالت خلاله: «اتطلقت من زوجي الأول 11 مرة بسبب رغبتي في الإنجاب».
وأضاف العالم الأزهري: «مكنتش حابب أتكلم، لكن بعد أن تكلمت الأخت ميار الببلاوي عن أنها اتطلقت من زوجها 11 مرة وكانت بترجع بمكالمة ولجأوا لمحلل، فهي أعادت للذاكرة فيلم عادل إمام اللي كان فيه دا، وبدأ الناس تتكلم، والبعض بدأ يحتال على الشرع ويلجأ لهذه الطريقة».
وتابع: «إبراء لذمتي، الإسلام بريء مما قالته ميار الببلاوي شكلا وموضوعا، كلامها لا يمت للدين بصلة، مضيفا: «ربنا جعل الطلاق 3 مرات مش 11 مرة، وجعل المرة الثالثة حاسمة وفاصلة».
واستطرد: «هل ينفع لما يتطلقوا 3 مرات يرجعوا ويتفقوا مع واحد ويكتبوا على ورق؟، لا يمكن ذلك وهذا احتيال وزنا ولا يصلح، ولو اتجوزت وبيتت النية إنها تزهق الراجل ده علشان يطلقها فلا يصلح».
وأكمل العالم الأزهري: «الغيرة عندنا مبدأ إسلامي، والله يغار والنبي يغار»، متابعا: «لو الزوجة تزوجت بعد طلاقها 3 مرات وعاشت مع زوجها ما شاء الله لها أن تعيش، فالله قال لو طلقها هذا الزوج فلها أن ترجع لزوجها الأول، وأشار أبوبكر إلى أن النبي الكريم قال: لعن الله المُحلل والمحلل له، يعني مطرودين من رحمة ربنا، يعني اللي اتجوزها باتفاق ملعون، واللي قاعد مستنيها ملعون من رحمة الله.
وقال: «الزواج باطل يا ست ميار والرجوع باطل يا ست ميار، ومعندناش طلاق في الإسلام اسمه 11 مرة ومعندناش حاجة اسمها تحليل، لكن عندنا زواج شرعي، إن عاش معها بالمعروف وإلا فيفارقها بالإحسان، ومعندناش حاجة اسمها ترجع بمكالمة تليفون».
![](https://img.ahlmasrnews.com/600x/2024/04/-1714218296-0.jpg)
تعليق ميار الببلاوي على تصريحات الشيخ الأزهري
وخرجت ميار الببلاوي في بث مباشر شاركت فيه جمهورها، عبر حسابها الرسمي بموقع التواصل الاجتماعى «إنستجرام»، (وسط حالة من الانهيار والبكاء) قائلة: «النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة، ومرضتش أسيبها لوحدها، وقلت هروح معاها وأسلم عليها، وأنا داخلة، أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء، ولكن سبحان الله يمكن نزغ شيطان أو فتنة أو حديث نفس، ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه».
وأضافت: «أول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِي جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي انتي قولتيه مع بسمة)، لكن ما حدش فكر أنه معمول مونتاج علشان يطلع ترند ونص الكلام مقصوص من الفيديو».
وتابعت: «لما شفت الفيديو، لقيته متكلم عليا وحش وخاض في عرضي، حسبي الله ونعم الوكيل فيك، أنا سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي!».