شنت الإعلامية بسمة وهبة هجوم لاذع على الفنانة مادلين طبر، بعد تصريحاتها الأخيرة في المهرجان القومي للمسرح، والتي تحدثت فيها عن الفنان الكبير عادل إمام.
وعبرت وهبة خلال تقديمها حلقة اليوم من برنامج “90 دقيقة” عبر قناة المحور، عن استيائها من تلك التصريحات، قائلة:”النهاردة شوفت بوست سيئ وعصبني جدا، الفنانة مادلين طبر قايلة كانت أمنيتي إن عائلة الزعيم عادل إمام تفرج عنه، ويحضر تكريمه في المهرجان القومي للمسرح، وكنا نستقبله على رموش عينينا، ورامي ابنه مش بيرد خالص، طيب إزاي نطمن عليه، لازم نقتحم الفيلا؟، والناس اللي اقتحموا بيته وعرفوا يعملوا عيد ميلاده برافو عليهم وده المهم”.
وأكدت وهبة:”ده بوست صادم جدا لا يليق بمكانة فنانة، وهي بكلامها هذا تسيء للفن اللي هي محسوبة عليه، يعني إيه عائلته تفرج عنه، مين قال ليكي إنهم مكتفينه”.
وتابعت:”وإنت مالك؟ إنت تعرفيه منين، يحضر المهرجان أو لا يحضر إنت دخلك إيه؟ ورامي ابنه يرد عليكي ليه، هو إنتو صحاب؟ وهل إنت جيل الزعيم أصلا؟ إنت محسساني إنك بنت خالته”.
وأضافت:”وبعدين إنت عارفة إن كلمة لازم نقتحم الفيلا ممكن تتحاسبي عليها قانونا، إنت بتعملي دعوة لاقتحام منزل الزعيم عادل إمام؟ إنت فاكرة نفس
ك رايحة تقتحمي عشة فراخ؟ أنا دلوقتي بعمل فيكي بلاغ إنك بتقولي نروح نقتحم الفيلا، دي دعوة غير قانونية بالمرة”.
واختتمت: “وبعدين عرفتي منين إن في ناس اقتحموا بيته وعملوا له مفاجأة، إنت تعرفي هما إيه بالنسبة له؟ إنت بتتكلمي عن الفنانة يسرا والفنانة لبلبة عشرة عمره وأصدقاؤه، إنت حاشرة نفسك ليه وإنت مش في نفس المكانة”.
شاهد الفيديو..
