قام الإعلامي تامر أمين، بتوجيه رسالة إلى مجلس إدارة النادي الأهلي ومارسيل كولر المدير الفني للفريق، بشأن أهمية بطولة الدوري هذا العام
وتابع “أمين”، من خلال تقديم برنامجه “آخر النهار” المذاع على قناة “النهار”،مساء اليوم الثلاثاء، “هو انتوا فارق معاكو أوي الدوري السنة دي الاهلي مفيش بطولة إلا ولازم يكسبها، العدل بيقول لو الأهلي رجع بعد إجازة المعسكر الدولي لما يرجعوا عنده ماتش كل 6 ساعات علشان يعرف يخلص ماتشاته المؤجلة”.
وأنفعل على اتحاد الكرة، قائلًا “انتي جاية تشتغلي ايه، يعني الأندية تستعد علشان هتلعب مع الأهلي والزمالك في كأس مصر وتيجي بعد ما حسام حسن يعلن القائمة تقول هنأجل المباراة”، لافتا:” إحنا بنلعب دوري كل نادي بيلعب في أسبوعه في كوميديا سوداء”.
