علق الإعلامي عمرو أديب، على ارتداء طالبات إحدى المدارس التابعة لمحافظة الدقهلية الإسدال كزي رسمي للطالبات.، قائلا:” مش ده شكل التحشم المصري.. السواد ده بتاع مين؟ أنتم بتمهدوا لإيه”.
وأضاف “أديب”، خلال تقديمه لبرنامج “”الحكاية”، والمذاع عبر قناة ام بي سي مصر، قائلا:” محدش قادر يقف قدام المسألة دي، ينفع ده يبقى شكل مدرسة في مصر تابعة لوزارة التربية والتعليم، هي دي العفة؟.. الحجاب ليس حجاب العقل”.
وتابع:”البنات دول بيتعلموا إيه وهيطلعوا إيه؟، وإزاي وزارة التربية والتعليم سايبة المدرسة دي؟ المسؤولين بالمدرسة بيفكروا إزاي؟.. والمفتشين اللي بيروحوا للمدرسة دي رأيهم إيه؟”.
وأكد، :” كلامي ليس له علاقة بالحجاب تحوطًا من محاولات تحريفه، لما يكون فيه مدرسة في مصر بناتها يرتدين ملابس ليست في الثقافة المصرية لازم أتساءل”.
وتابع:” 70% من بنات مصر محجبين ولكن مش بالشكل ده، هذه ليست دعوة للسفور أو مشكلة مع الحجاب.. الحجاب فرض وفضل وثواب، وطالما شايفين إن ده حلو يبقى أنتم صح ولتمضي القافلة في مسيرتها”.
