قال الإعلامي عمرو أديب، إن التليفزيون خبرات كبيرة أوي، وتابع:” ده أنا لغاية دلوقتي بغلط وبتلخبط ولحد دلوقتي بعمل مشاكل أنا مش عبقري أوي، باقيلي سنة بالكتير وأبطل إعلام، ده لو كملتها كمان”.
وأضاف :” أنه بدأ حياته المهنية صحفيا إلى أن جاءته فرصة للعمل في قناة أوربت وكانت إعجوبة وقتها”، مشيرا إلى أنه من تلاميذ عبدالله باجسير وفضله على رأسى العمر كله، وهفضل العمر كله أقول أنه علمنى كل حاجة وأدانى فرصة”.
وتابع” أنا دائماً أقول للناس في الإعلام ، اللى عاوز حد ادولوا فرصة، يقولك شغلناه 3 أو 4 شهور، يعنى ده، الإعلام والتليفزيون خبرات، وانا حتى الآن بغلط، وبتلخبط وبقول حاجات غلط، وبعمل مشاكل، مش عبقرى أوى أنا يعنى أنا بقيلى سنة مثلاً بالكتير وابطل إعلام ده لو كملتها كمان، موصلتش لأعظم حاجة، مش أنا بس وبرة كمان أعظم المذيعين والإعلاميين بيفضلوا، بس أنا فيه حد استثمر فيا وقت ومجهود وفلوس بشكره وبشكر أوربت اللى كانت ليها الفضل عليا” .
وأرجع عدم ظهور مذيعين جدد إلى عدم وجود إدارة حريصة على استمرار عمل الشباب، ومتابعتهم لعملية تطورهم، كما حدث معه خلال عمله بشبكة أوربت، وتابع:” ليه مفيش مذيعين جداد، ومن فترة هما للأسف على قلبكم نفس المذيعين وأنتم متضايقين منهم حتى، لأن الله حباني بناس قالت لي اشتغل، نيلت الدنيا اشتغل، طلعت على الهوا وغلطت اشتغل”.
