كشف الفنان بهجت عدلي، خلال تصريحات تليفزيونية، عن انفاق زوجته وأولاده على البيت في فترة مكوثه في المنزل، موضحًا عن ليس له باب رزق غير الفن، وأكد على أن مهنة الفن ليس لها أمان، واستنكر دور نقابة المهن التمثيلية في تشغيل الفنانين.
بهجـت عدلي: الفن ملوش أمان
وتحدث بهجـت عدلي،عن الفن خلال لقائه التليفزيوني،حيث وصف مهنة الفن بأنها ليس لها أمان،قائلًأ:” الفن مالوش أمان بمعنى أن الفن يخليك تعوز وتحتاج، أصل ده بمزاجك ومحدش غصب عليك أنك تدخل الفن”.
وأضاف:” والنقابة مبتشغلش حد، أشرف زكي بيعمل حاجات تانية يشكر عليها”.
بهجـت عدلي عن النقابة ودكتور أشرف ذكي
وأكمل بهجت عدلي:” إحنا كجمعية عمومية مش عايزين غير أن النقابة تطلب القانون والشركات تشغل 10 %، ولكن في شلالية موجودة ومجموعات كتير، ولو النقابة تقول مفيش أكتر من 10 % كله هيشتغل، والقانون مبتطبقش”.
واسترسل بهجت عدلي:” دكتور أشرف زكي بيعمل كاستينج وبيروج للممثلين تاني، في ناس قاعدة في بيوتها مش لاقية تاكل وهما أعضاء نقابة، أنا ملجأتش لـ أشرف زكي في الوقت اللي مكنتش بشتغل فيه لأني مبحبش ده، ولكن كنت بكلم المنتجين الكبار”.
بهجـت عدلي: مخرجين بيوعدوني ومبيشغلونيش
وتابع بـهجت عدلي:” رفضت أدوار كتير على الرغم من الحاجة المادية، لأن الأدوار مكنتش مناسبة ليا، وفي منهم دور في مسلسل معروف وكنت في أشد الاحتياج”.
وكشف عن وعد المخرجين له ليشارك في الماراثون الرمضاني لعام2024، قائلًأ:” اتوعدت أني هشتغل في العتاولة، والمخرج تامر نادي وعدني أشتغل في مسلسل صلة رحم، ومشتغلتش فيهم”.
أمنية بهجت عدلي الفنية
وتحدث عن أمنيته في عمل دور مختلف ومميز، قائلًأ:” نفسي أعمل دور قاضي فاسد”.
بهجت عدلي:مراتي بتصرف على البيت لما مبشتغلش
أكد بهجت عدلي، أنه لا يمتلك أي مصدر للدخل سوى الفن، وأن زوجته تنفق على المنزل وأبنائهم في فترة مكوثه في المنزل، معلقا: أوقات كتير بيكون مفيش فلوس في البيت، ولما مبشتغلش المدام بتصرف على البيت، وبنساعد بعض والحياة كده هنعمل إيه وهشتغل إيه”.
واختتم بهجت عدلي:” الجيل دلوقتي غير زمان، جيل دلوقتي ربنا يزيدهم عندهم مطاعم وكافيهات اللي تغنيهم عن الفن لكن إحنا اللي معملناش ده ومحوشناش فلوس، ويمكن علشان وقتها فلوسنا كانت قليلة”.
تابعونا على صفحات موقع الحكاية الرسمية
Elhekayah TV – تليفزيون الحكاية
