حكى خالد العامري شقيق الراحل العامري فاروق ، قصة مؤثرة جمعت بينهما في المنام ونشر تفاصيلها عبر السوشيال ميديا.
وقال خالد العامري على صفحته الشخصية بفيسبوك قائلاً: “زارني بالأمس أخي العامري ما شاء الله في المنام ودار بيني وبينه هذا الحوار
خالد : عامل إيه يا عامري
العامري : أنا كويس
خالد : قابلت حد من الناس اللي نعرفها
العامري : الموقف هنا مهيب والمشهد مختلف
خالد : يعني عندنا أحسن ولا عندكم أحسن
العامري : يا خالد ما لا عين رأت ولا أذن سمعت ولا خطر على قلب بشر، وصحيت من النوم
رحمة الله عليك يا عامري”
علقت الدكتورة مي طارق مسعود زوجة العامري فاروق، على خبر وفاته الذي كان منذ ساعات وذلك برسالة مؤثرة على السوشيال.
ونشرت على حسابها الرسمي على الفيسبوك صورة لزوجها الراحل وعلقت:” من إمبارح مش قادرة اكتب وأقول أن زوجي وحبيبي وأبويا وكل حاجة في دنيتي خلاص مابقاش معانا في الدنيا دي.. عامري كان الظهر والسند لي ولأولاده وإخواته وأبوه وأمه وأصحابه وأي حد يطلب منه أي حاجة”.
وأضافت:” للي شوفته إمبارح كان مظاهرة في حب العامري، واحد أفنى حياته في حب الآخرين وخدمتهم وإسعادهم بدون ما ينتظر مقابل مفيش كلام حيواسينا كلنا على غيابه..بس في الأخر لانملك غير الدعاء إننا نتحمل الفراق ده وإن ربنا يعينا ويصبرنا كلنا”.
وأختتمت :” روحي مشيت معاك ياعامري، ومش عارفة إزاي حستحمل إني مش حشوفك ولا اسمع صوتك تاني، عزائي الوحيد إنك استريحت وبقيت في مكان أحسن وأفضل من الدنيا دي، وما تغلاش علي اللي خلقك”.
موضوعات ذات صلة
محمود الخطيب أول الحضور في جنازة العامري فاروق في مسجد الشرطة بالشيخ زايد
تابعونا على صفحات موقع الحكاية الرسمية
