علق الإعلامي أحمد موسى، أن الإسكندرية استقبلت ملايين الزوار خلال إجازة العيد والسهرات كانت للفجر والكورنيش كان زحمة موت.
وأضاف موسى، من خلال تقديم برنامج على مسئوليتي، المذاع على قناة صدى البلد، يا سلام على إسكندرية وجمال إسكندرية كنت ترش الملح مينزلش.
وأكمل: في حاجة حتى في السويس من أزمة مياه والحاجات دي لازم تتشاف من المحافظين وحتى أهالي العجمي اشتكوا من أزمة مياه، يعني ينفع بيت ميكونش فيه مياه، دا حتى المياه حياة ولازم كل مسئول يشوف الحكاية لأن الناس بقيت تشتري مياه في فناطيس.
ولفت الإعلامي أحمد موسى، أن أزمة الكهرباء بتأثر على أكتر من حاجة، لأن أزمة المياه في بعض المناطق المرتفعة مش بتطلع لها المياه بسبب انقطاع الكهرباء.
