ما زالت أصداء أزمة ميار الببلاوى ووفاء مكى مستمرة حتى الآن، حيث دخلت الفنانة المعتزلة فى مشادات مع متابعيها عبر صفحتها على موقع التواصل الاجتماعى “فيسبوك”.
وقالت ميار الببلاوى فى تعليق لها: “أفوض أمرى إلى الله.. إن الله بصير بالعباد”.
وتلقت ميار الببلاوى تعليقا من إحدى متابعيها قائلة: “مدام ميار خليكي زي المعدن النفيس قللي من انتشارك عالسوشيال ميديا.. اتكلمي في المحدد لحضرتك فقط.. بلاش كلام عن حياتك الشخصية.. من بعد ما بقيتي تظهري هنا وهنا وكله هري عالفاضي.. كل ده أساء لحضرتك وأسرتك.. ابعدي عن الناس اللي عاوز تشعلل الدنيا وخلاص”.
وردت ميار الببلاوى: “أظهر هنا وهنا فين يا لولة.. حبيبتى أنا ظهرت مع ريهام فقط.. وبعد أسبوعين بعد ما فاض بيا طلعت مع أستاذ مصعب ودى صفحتى بفضفض فيها.. يعنى أطق أموت.. لكن لا بكلم مواقع ولا بظهر فى قنوات ولا بعمل زى غيرى إطلاقا.. أنا مركزة فى شغلى وابنى والطلبة بتوعى وصحتى بس أنا بنى آدمة”.
كما علقت ميار الببلاوى على “فيسبوك”: “إن الله يدافع عن الذين آمنوا والذين هم متقون”.
وقالت ميار الببلاوى فى تعليق آخر: “يا سلام هو اللى يدافع عن الحق ويبين الحقيقة يبقى بيجيب سيرة الناس.. المنطق غريب فى ناس مجاهرة بالمعصية ويجوز الحديث فى أمور الناس للإصلاح أو التحذير”.
كما ألحقت ميار الببلاوى تعليقها بتعليق جديد: “نفسى يتخرسوا ويبطلوا كلام بقى.. استرزقوا كويس وعملوا قرشين بس مفيش فايدة ما صدقوا يبقى فيه سبوبة مش عاوزين يقفلوها”.
