حرص مطرب المهرجانات حمو بيكا على أن يقدم نصائح هامة لـ طلاب الثانوية العامة، قبل بدء الامتحانات يوم الأحد، وأكد على أنه يشعر بالندم وقال: لو عاد بيا الزمن لكان أكمل تعليمه.
وكتب بيكا عبر حسابه بموقع انستجرام: بكره تعتبر بداية الامتحانات النهائية للثانوية العامة، وأنا مش جاي أديك موعظة ولا جاي أعمل شيخ عليكم..بس أنا جاي أقول لك إنك قد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل.
وأضاف: الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه، اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب اكل.. ربنا معاكم يا رب وتحققوا كل أحلامكم.
اقرأ أيضا.. تعليق صادم من حمو بيكا على إهدائه كيلو ذهب لـ زوجته
تصريحات حمو بيكا
كشف مطرب المهرجانات حمو بيكا، العديد من الأسرار حول كواليس تعاونه مع حسن شاكوش.
وقال خلال لقائه في برنامج العرافة، الذي تقدمه الإعلامية بسمة وهبة: أنا مؤدي وبعترف بـ ده، وحسن شاكوش مصطنع وبيتصنع على الناس ومتكبر ومغرور، أنا المدرسة اللي طلعت حسن شاكوش.
وتابع : حسن شاكوش مكنش عنده استوديو وهو بيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده.
موضوعات ذات صلة
حمو بيكا ضيف بسمة وهبة في “العرافة”.. اليوم
