حلت الفنانة” سلوى محمد علي“، ضيفة في برنامج” نجوم إف إم ” مع الإعلامية” إنجي علي”، لتكشف عن أسرار طفولتها وحياتها الفنية، وأراءها في الأعمال الفنية الحالية، وكيف تتعامل مع الانتقادات التي توجه لها.
سلوى محمد عن طفولتها
تحدثت سلوى محمد على عن طفولتها، قائلة:”أنا من جيل الشوارعية وطفولتي كلها كانت في الشوارع، وجيلنا مبيخافش من الشارع أنا بحبه وبحب السوق”.
كما ذكرت طريقة احتفالها بحلول شهر رمضان،معلقة:”زمان كنا بنمشي بالفوانيس، وكل واحد يوري التاني فانوسه، بس دلوقت فانوس رمضان بـ 4000 جنيه”.
واسترسلت عن طفولتها مع أختها، تابعة:”أنا وأختي عملنا مقلب في المسحراتي، واستعنا بفكرة لـ سميرغانم من مسرحية حواديت”.
كيف تتعامل سلوى خطاب مع انتقادات الجمهور؟
ـ أشارت سلوى خطاب إلى طريقة تعاملها واستقبالها لانتقادات الجمهور، قائلة:” ماتضايقتش من انتقاد الجمهور ليا بسبب التدخين، أنا بشتغل ممثلة وحياتي للسوشيال ميديا، بعرض شغلي على الجمهور، وارد يكون دمي تقيل على حد ومش متقبلة.. والشغلانة بتعلم الواحد إنه على طول بيُنتقد ويتشتم، معروفه أي شخصية عامة بتتشتم”.
سلــوى محـمد علي عن وفاة والدتها:
ـوقت وفاة أمي لقيت تعليق من واحدة ست بتقول أمها إيه اللي ماتت دا العيال بتموت في فلسطين ليل نهار، لو بتقولي دورك وحش هقول حقك بس انتي بتتكلمي في إيه دي أمي.
أحب الأدوار لقلب سلـوى محمـد
نوهت سلوى محمد خلال الحلقة، عن أحب الأدوار لقلبها، مشيرة إلى الأدوار البسيطة الغير متكلفة، قائلة:”عندنا في السيرة الذاتية بنطلع الفنانين ملايكة بس إحنا بني آدمين، وبحب دايمًا أعمل الست العادية في الشخصيات لأنها أصعب”.
وأضافت:” تمثيل الشخصيات الفاشلة،أحسن من الناجحين”.
ســلوى محــمد: الفن مش رسالة
وتحدثت عن حبها للمسرحيات، ورأيها في الفن،معلقة:” نفسي أعيد مسرحية أحلام شقية مع عايدة عبد العزيز تاني في الجنة، والفن مش رسالة وبكره الجملة دي رسالتنا التسلية، وبشوف إن تكريم الممثل في إن الجمهور يعجب بيه”.
وتابعت:”برفض فكرة استئجار الرحم، فكرة قاسية يعني إيه واحدة تخلف طفل وتروح تسيبه بد ماتولده دا شعور مؤلم جدًا”.
