علقت الفنانة شرين رضا، على تعرض ابنتها نور عمرو دياب للتنمر، عبر مواقع التواصل الاجتماعي، قائلة:”بيقلولها شكلك عامل كده ليه ؟ .. نفسي بقى يوروني هما شكلهم إيه ؟! ..أنا أصلاً أكبر متنمرة في الدنيا”.
وأضافت “شرين رضا”، خلال لقائها ببرنامج “كلمة أخيرة”، الذي تقدمه الإعلامية “لميس الحديدي”، عبر فضائية “on”، قائلة: “لما حد يجي يتنمر على بنتي هشطفه وأغسله وأزرعه في الارض .. المفروض بنتي لما تتعرض لتنمر وأنا أم أعمل إيه أنا ممكن أكلهم “
وتابعت:”أنا قررت اسكت لأني عارفة إن ده هيقف في يوم من الايام .. لكن عايزة أسأل الناس سؤال ؟ فرجوني جمالكم وحلاوتكم وجسمكم ودرستوا إيه وإتعلمتوا إيه ؟ قبل ما تتنمروا على حد شوفوا نفسكم “.
وعن تجربتها مع التنمر قالت : ” أنا عشت تنمر كتير.. بس بقلهم كفاية أنكم زي الجبناء قاعدين وراء شاشات ماحدش شايفكم وبتأذوا الناس”.
وأشارت الفنانة شرين رضا، إلى أن السوشيال ميديا أصبحت مؤذية للغاية، وتابعت: “ممكن نسكت لكن طول الوقت لو كمل ده في كل مرة حتة جواكي هتنكسر ..بس مش بشوف ولا برد ولا بقرأ بس احيانا غصبن عننا عنينا بتيجي على تعليقات سلبية على التواصل الاجتماعي .. بجد عاوزة أعرف المتنمر ده يورينا جماله “.
