صاحب جروب بعض من اللطف لـ الحكاية: هدفي مساعدة الناس نفسيًا.. وبحاول أوصف اللي مش قادرين يحكوه

كتبت – شروق حجازي:

بعض من اللطف قادر على تغيير حياة الكثير، ووضع البهجة في نفوس شخص عابر، وربما طفل أو عجوز قد ضاقت عليها دنياها، بعض من اللطف قادر على خلق كثير من الحُب.

اقرأ المزيد..صاحبة جروب إفهمونا بقا تحكي تجربتها مع الحكاية

وكشف نادر محمود الشهير بـ “المضيف” قصة جروبه الذي يحتوي على أكثر من مليون عضو يجتموا على قليل من اللطف.

وقال “نادر” في حديث مع الحكاية: “الجروب الأول كان اسمه “أهو ده اللي صار”، وهو مسلسل لـ محمد فراج وروبي، وأنا بحب المسلسل ده بشكل ميتوصفش، فكنت بنزل مشاهد من المسلسل ده في جروبات فكانت بتجيب تفاعل كويس أوي، لذلك أنشأت الجروب بنفس إسم المسلسل، واشتغلت عليه لوحدي لحد ما وصل لـ 100 ألف مشترك”.

وأضاف: “وبعدين غيرت اسمه لـ بعض من اللُطف، وكانت الفكرة هنا إني اساعد الناس نفسياً، وأحاول أوصف اللي هما مش قادرين يحكوه، بتكلم بلسان الناس، وقدرت أنجح ف دة”.

وعن فكرة اختياره لاسم الجروب قال: “أنا كنت دايما بتابع الكومنتات وبشوف ردود الناس، وكل البوستات اللي بتنزل لطيفة، فعملت الاسم بكدا وده كان الجروب الوحيد اللي ع السوشايل ميديا باسم “بعض من اللُطف”، وفي خلال 4 شهور قدرت أوصل الجروب لـ مليون مشترك، وبدأت الجروب من شهر 4 السنة اللي فاتت بقي مليون مشترك في شهر 8، وهو حاليا مليون ونص”.

موضوعات ذات صلة:

تزامنًا مع يوم المرأة.. أعضاء جروب Female يشاركون تجاربهم القاسية وقصص النجاح

صاحب جروب Engagement: هدفي التقليل من فكرة الارتباط غير الرسمي

صاحب فكرة جروب ” outfit Helpers official Group “: هدفي المساعدة في اختيار الملابس وتنسيقها