حلت الفنانة صفاء جلال، ضيفة ببرنامج “كلام الناس”، والمذاع عبر قناة ام بي سي مصر، وتقدمه الإعلامية ياسمين عز.
كشفت الفنانة صفاء جلال، أنها قامت بإجراء عملية نحت القوام حتى تنقص من وزنها، وتابعت:”عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فعملت كبسولة المعدة عشان ما كلش وكان عندي مشكلة في الأكل بليل.. روحت عملت الكبسولة وكانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقتي بكمل دايت وبروح الجيم”.
وأضافت “جلال” خلال لقائها ببرنامج “كلام الناس”، والمذاع عبر قناة ام بي سي مصر، وتقدمه الإعلامية ياسمين عز، أن هناك مجهود على اي ست لنا تيجي تخس وبالذات اللي عدت 45 بتبقى عارفة إنها بتبذل مجهود اكتر من بنوتة عندها20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله”.
وتابعت:” الفنان عادل إمام قال لي تختي ليه يا صفاء قولت له الاكتئاب، فقال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري”.
