طريقة عمل الأرز بالبشاميل على طريقة الشيف منى الشربيني

يفضل الكثير تناول الارز مع البشامل، لذلك قدمت الشيف منى الشربيني طريقة تقديمه

طاجن الأرز بالبشاميل

*المقادير*
كوز ارز بسمتي مستوي او مصري المتوفر عندك
فراخ فيليه متقطعة مكعبات
بسلة
جزر
بصل مفروم
٢ كوب لبن
معلقة ونص دقيق
جبنة موتزاريلا
ملح وفلفل اسود و بهارات فراخ
*الطريقة*

هنشوح البصل المفروم ونضيف عليه بالفراخ ونتبلهم ملح وفلفل اسود ورشة من بهارات الفراخ وبعدين هنضيف البسلة والجزر ونسيبهم مع بعد لحد مايستوي

صوص البشاميل
زبدة والدقيق على النار ونقلب ٣ دقايق وبعدين ننزل باللبن واحنا بنقلب ونحط رشة ملح ورشة فلفل اسود واول مايتقل يبقى جاهز معانا
في الطاجن هنحط معلقتين بشاميل وبعدين طبقة الأرز وعليها طبقة الخضار والفراخ وعليها صوص البشاميل والموتزاريلا وندخلها فرن لمدة ربع ساعة تاخد لون وبالهنا والشفا