قال عبد المجيد طاحون ، بطل رياضي ومدير في إحدى شركات الأدوية، :” فقدان البصر وضعف السمع اللي عندي نتيجة أن أهلي كانوا أقارب .. وأنا صغير مكنتش بقدر اتجاوب مع المعلمين في المدرسة ومع زمايلي وكان بيجيلي دايمًا استدعاء ولي أمر “، متابعًا :” والدتي قالت لا احنا هنكمل عادي وانا هشوف المواد اللي بياخدها وانا هذاكرله وارجعله وهتابع معاه في اليبت “.
وأضاف عبد المجيد طاحون خلال حواره ببرنامج ” صباح البلد” من تقديم الإعلامية داليا أيمن والمُذاع عبر فضائية “صدى البلد”، :” والدتي رفضت إن انا اقعد في البيت ومسمعتش كلام الناس .. وكانت دايمًا بتقول أنا حاسة إن هو ذكي ولماح ويجي منه وهيبقى حاجة كويسة”.
وتابع “طاحون”، :” والدتي علمتني ازاي أقدر أواجه واكافح الظروف اللي أنا فيها ونمت مهارات الإبداع والابتكار عندي وعلمتني ازاي اتصرف في أي موقف اتحط فيه “.
